Daškieviča apytali ŭ DAI pa fakcie najezdu na nahu sudovaj vykanaŭcy
Źmitra Daškieviča ŭviečary 30 studzienia apytali ŭ ADAI Pieršamajskaha rajona Minska pa fakcie najezdu na nahu sudovaha vykanaŭcy Ludmiły Kłyhi.
Incydent adbyŭsia 25 studzienia, kali sudovyja vykanaŭcy afarmlali praceduru kanfiskacyi aŭtamabila «Chonda-Džaz», jaki kanfiskoŭvaŭsia ŭ košt pahašeńnia nie apłačanych apazicyjnym palitykam štrafaŭ za ŭdzieł u niesankcyjanavanych akcyjach pratestu.
Pavodle słoŭ Daškieviča, sprabujučy vyjechać z dvara, jon vypadkova najechaŭ na nahu sudovaha vykanaŭcy. U ADAI ź jaho ŭziali tłumačeńni, a fakt učynieńnia abo adsutnaści DTZ budzie ŭstanoŭleny paśla ekśpiertyzy. «Jana vyznačyć, ci było sapraŭdy paškodžańnie ŭ Kłyhi», — skazaŭ aktyvist, adznačyŭšy, što sudovy vykanaŭca praciahvała chadzić na pracu.
«Kali paškodžańniaŭ niama, to niama i DTZ. Kali ekśpiertyza ŭstanović paškodžańnie, tady da mianie mohuć pryniać peŭnyja spahnańni», — skazaŭ Daškievič.
Zhodna z pratakołam kanfiskacyi aŭtamabil Daškieviča byŭ acenieny ŭ 12 tys. rubloŭ. Na momant kanfiskacyi nieapłačanych štrafaŭ było na sumu 9.240 rubloŭ. Zatym jašče pryjšło niekalki pratakołaŭ, i suma pieravysiła 11 tys. rubloŭ. 27 studzienia aktyvist zmoh viarnuć aŭtamabil, apłaciŭšy štrafy. Hrošy byli sabrany dziakujučy dapamozie partniorskich arhanizacyj i achviaravańniam. Naprykład, pavodle słoŭ Daškieviča, nieviadomy prynios u ofis Partyi BNF dźvie tysiačy dalaraŭ ZŠA.
Aktyvist taksama paviedamiŭ, što jon, imavierna, apłaciŭ jašče nie ŭsie štrafy. Niadaŭna jon daviedaŭsia pra štraf na 1.150 rubloŭ za niepadparadkavańnie patrabavańniam milicyi ŭ noč z 31 śniežnia na 1 studzienia, rašeńnie ab jakim było vyniesiena sudom Pieršamajskaha rajona Minska.
Ciapier čytajuć
Chto taja Alina, ź jakoj Łukašenka tancavaŭ hetym razam na navahodnim bali15
Kamientary