Змітра Дашкевіча ўвечары 30 студзеня апыталі ў АДАІ Першамайскага раёна Мінска па факце наезду на нагу судовага выканаўцы Людмілы Клыгі.
Інцыдэнт адбыўся 25 студзеня, калі судовыя выканаўцы афармлялі працэдуру канфіскацыі аўтамабіля «Хонда-Джаз», які канфіскоўваўся ў кошт пагашэння не аплачаных апазіцыйным палітыкам штрафаў за ўдзел у несанкцыянаваных акцыях пратэсту.
Паводле слоў Дашкевіча, спрабуючы выехаць з двара, ён выпадкова наехаў на нагу судовага выканаўцы. У АДАІ з яго ўзялі тлумачэнні, а факт учынення або адсутнасці ДТЗ будзе ўстаноўлены пасля экспертызы. «Яна вызначыць, ці было сапраўды пашкоджанне ў Клыгі», — сказаў актывіст, адзначыўшы, што судовы выканаўца працягвала хадзіць на працу.
«Калі пашкоджанняў няма, то няма і ДТЗ. Калі экспертыза ўстановіць пашкоджанне, тады да мяне могуць прыняць пэўныя спагнанні», — сказаў Дашкевіч.
Згодна з пратаколам канфіскацыі аўтамабіль Дашкевіча быў ацэнены ў 12 тыс. рублёў. На момант канфіскацыі неаплачаных штрафаў было на суму 9.240 рублёў. Затым яшчэ прыйшло некалькі пратаколаў, і сума перавысіла 11 тыс. рублёў. 27 студзеня актывіст змог вярнуць аўтамабіль, аплаціўшы штрафы. Грошы былі сабраны дзякуючы дапамозе партнёрскіх арганізацый і ахвяраванням. Напрыклад, паводле слоў Дашкевіча, невядомы прынёс у офіс Партыі БНФ дзве тысячы даляраў ЗША.
Актывіст таксама паведаміў, што ён, імаверна, аплаціў яшчэ не ўсе штрафы. Нядаўна ён даведаўся пра штраф на 1.150 рублёў за непадпарадкаванне патрабаванням міліцыі ў ноч з 31 снежня на 1 студзеня, рашэнне аб якім было вынесена судом Першамайскага раёна Мінска.
Спявак Дзмітрый Калдун паказаў сваю мінскую кватэру недалёка ад Драздоў ШМАТ ФОТА15
Каментары