Urad vyzvaliŭ ad pasady kiraŭnicu Fondu sacyjalnaj abarony nasielnictva (FSAN) Ludmiłu Bačyła, padazravanuju ŭ karupcyi.
Pastanovaj Savieta ministraŭ ad 27 studzienia № 80 Ludmiła Bačyła vyzvalena ad pasady kiraŭnika FSAN Ministerstva pracy i sacyjalnaj abarony «za nievykanańnie abmiežavańniaŭ, źviazanych ź dziaržaŭnaj słužbaj (padpunkt 1.4 punkta 1 artykuła 40 Zakona Respubliki Biełaruś ad 14 červienia 2003 hoda «Ab dziaržaŭnaj słužbie ŭ Respublicy Biełaruś»)».
Jak raniej paviedamlałasia, Ludmiła Bačyła była zatrymana 15 śniežnia supracoŭnikami KDB pry atrymańni chabaru ad hiendyrektara SZAT «BiełAVM» Dźmitryja Ronina ŭ 20 tys. dołaraŭ ZŠA.
Pavodle infarmacyi pres-słužby KDB, niezakonnaja hrašovaja ŭznaharoda pieradavałasia za akazanaje sadziejničańnie ŭ pryznańni SZAT «BiełAVM» pieramožcam aŭkcyjonu pa zakupcy abstalavańnia dla patreb fondu. U dačynieńni da Bačyły raspačata sprava pa prykmietach składu złačynstva, praduhledžanaha č. 3 art. 430 KK (atrymańnie chabaru), u dačynieńni da Ronina — pa č. 2 art. 431 KK (dača chabaru).
Sumiesnaje ZAT «BiełAVM» isnuje bolš za 20 hadoŭ, źjaŭlajecca adnym ź lidaraŭ biełaruskaha rynku kampanij sistemnych intehrataraŭ i partnioram bolš čym dziesiaci viadučych pradpryjemstvaŭ IT-industryi.
Kamientary