Sud Partyzanskaha rajona Minska 7 lutaha prysudziŭ minčuka Kiryła Filipčyka, jaki dryftavaŭ kala manumienta Pieramohi, pa sukupnaści ŭčynienych złačynstvaŭ da troch hadoŭ pazbaŭleńnia voli z adbyvańniem pakarańnia ŭ papraŭčaj kałonii va ŭmovach ahulnaha režymu. Jon zaklučany pad vartu ŭ zale suda, paviedamili ŭ rajonnym sudzie.
Takoje ž pakarańnie abvinavačanamu prapanoŭvaŭ dziaržaŭny abvinavaŭca.
Filipčyk abvinavačvajecca ŭ ździajśnieńni złačynstvaŭ, praduhledžanych č. 1 art. 339 (chulihanstva) i č. 2 st. 346 (ździek z asabliva kaštoŭnaj materyjalnaj historyka-kulturnaj kaštoŭnaści) KK.
Svaju vinu ŭ ździajśnieńni chulihanstva Filipčyk pryznaŭ častkova. Nie pryznaŭ znachodžańnie ŭ momant ździajśnieńnia złačynstva ŭ stanie ałkaholnaha apjanieńnia. Pa st. 346 KK abvinavačany vinu nie pryznaŭ. Pry hetym paprasiŭ prabačeńnia pierad vieteranami, a ŭ apošnim słovie paprasiŭ nie pazbaŭlać jaho voli. Abarona Filipčyka prasiła sud apraŭdać jaho.
Filipčyk abvinavačvajecca ŭ tym, što z 1.30 pa 1.50 29 listapada minułaha hoda, «budučy ŭ stanie ałkaholnaha apjanieńnia, znachodziačysia na terytoryi manumienta Pieramohi, z chulihanskich pamknieńniaŭ, vykazvajučy vidavočnuju niepavahu da hramadstva i z vyklučnym cynizmam, kirujučy aŭtamabilem Mercedes-Benz S300, ździejśniŭ zajezd na terytoryju pomnika abaroncam Ajčyny — manumienta Pieramohi, zahadzia nie pryznačanuju dla ruchu transpartnych srodkaŭ, paśla čaho metanakiravana uvioŭ vyšejzhadany aŭtamabil u kiravany zanos, prajechaŭšy na im pa terytoryi manumienta Pieramohi nie mienš troch kołaŭ vakoł svajoj vosi (dryftavaŭ)».
Zaśpiety ŭ momant ździajśnieńnia hetych dziejańniaŭ supracoŭnikami orhanaŭ unutranych spraŭ, na patrabavańni ab spynieńni supraćpraŭnych dziejańniaŭ jon nie reahavaŭ, demanstratyŭna nieadnarazova parušyŭ abaviazkovyja dla vykanańnia praviły darožnaha ruchu, paśla čaho schavaŭsia.
Pa linii milicyi ŭ dačynieńni da kiroŭcy było składziena šeść administracyjnych pratakołaŭ: pa čč. 1, 6 i 10 art. 18.14 (nievykanańnie patrabavańniaŭ sihnałaŭ rehulavańnia darožnaha ruchu, parušeńnie praviłaŭ pieravozki pasažyraŭ abo inšych praviłaŭ darožnaha ruchu), č. 4 art. 18.36 (parušeńnie paradku karystańnia aŭtamabilnymi darohami ahulnaha karystańnia), č. 1 art. 18.21 (nievykanańnie patrabavańnia ab spynieńni transpartnaha srodku), č. 1 art 18.22 (parušeńnie praviłaŭ prypynku i stajanki transpartnaha srodku, a taksama inšych praviłaŭ darožnaha ruchu) KaAP. Ahulnaja suma štrafu — 630 rubloŭ. Pravaparušalnik taksama pazbaŭleny prava kiravańnia transpartnym srodkam na 18 miesiacaŭ.
U dačynieńni da čałavieka, jaki zdymaŭ dryft na videa, składzienyja pratakoły pa č. 1 art. 18.23 KaAP. Jamu treba budzie vypłacić štraf u šeść bazavych vieličyń.
Apytanka
Hladzicie taksama: «Navošta — patłumačyć nie mahu». Sudziać minčuka, jaki dryftavaŭ na płoščy Pieramohi
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary