Kreml paabiacaŭ «žorstka adreahavać» na pahrozy režysioru «Macildy»

U Kramli ličać niedapuščalnymi dziejańni arhanizacyi «Chryścijanskaja dziaržava — Śviataja Ruś», napadkam jakoj padviarhajecca režysior filma «Macilda» Alaksiej Učyciel.

Pavialičyć

Pres-sakratar prezidenta Rasii Dźmitryj Piaskoŭ nazvaŭ niedapuščalnymi dziejańni ananimnych ekstremistaŭ, napadkam jakich padvierhnuŭsia režysior filma «Macilda» Alaksiej Učyciel.

Pa słovach pradstaŭnika Kramla, režysior padviarhajecca napadkam niezarehistravanaj u Miniuście arhanizacyi, jakaja nazyvaje siabie «Chryścijanskaja dziaržava — Śviataja Ruś».

«Heta značyć, pa sutnaści, havorka idzie pra pahrozy z boku ananimnych ekstremistaŭ, pra dziejańni jakich i kazaŭ u svaim pasłańni prezident. Viadoma, padobnyja dziejańni absalutna niedapuščalnyja», — skazaŭ jon.

Piaskoŭ udakładniŭ, što ŭ takich situacyjach nieabchodnaja «ŭzajemnaja adkaznaść»: dziejačy kultury pavinny «vyrazna tłumačyć adsutnaść u svaich namierach abrazić niečyje pačućci, a druhi bok pavinien paźbiahać jakich-niebudź sprobaŭ akazvać cisk na kulturu, na ŚMI». Pres-sakratar kiraŭnika dziaržavy nahadaŭ, što ŭ pasłańni da Fiederalnaha schodu Uładzimir Pucin nazvaŭ nieprymalnaj reakcyju, «jakaja vylivajecca ŭ vandalizm i parušeńnie zakonaŭ». «Prezident skazaŭ, što na takija prajavy dziaržava budzie reahavać žorstka», - padkreśliŭ Piaskoŭ.

Prezident taksama adznačaŭ, što nichto nie moža zabaranić svabodna dumać i adkryta vykazvać svaju pazicyju, dadaŭ pradstaŭnik Kramla.

Raniej 8 lutaha stała viadoma, što režysior Alaksiej Učyciel nakiravaŭ dva listy na imia hienieralnaha prakurora Rasii Juryja Čajki sa skarhami na deputata Dziarždumy Natallu Pakłonskuju i arhanizacyju «Chryścijanskaja dziaržava — Śviataja Ruś».

Jon paprasiŭ «abaranić kalektyŭ filma, rabotnikaŭ prakatnych arhanizacyj ad dalejšych pahroz, inšych supraćpraŭnych dziejańniaŭ asob ekstremisckaj skiravanaści», a taksama ad «publičnych paklopnickich vydumak Pakłonskaj».

Arhanizacyja «Chryścijanskaja dziaržava — Śviataja Ruś» u kancy studzienia nakiravała kinateatram listy z zaklikam nie dapuścić pakazu filma Učyciela. U im aktyvisty zajaŭlali, što baniery, afišy i rekłamnyja ŭlotki ź infarmacyjaj pra prakat filma «buduć razhledžany jak vaša žadańnie źniavažyć śviatych pravasłaŭnaj carkvy i pravakacyja da «ruskaha Majdanu». Namieśnik staršyni kamiteta Dziarždumy pa biaśpiecy i supraćdziejańni karupcyi Natalla Pakłonskaja dvojčy źviartałasia ŭ Hienprakuraturu z prośbaj pravieryć film Učyciela. 30 studzienia jana paprasiła pravieryć scenar i finansavańnie «Macildy».

Vychad karciny Alaksieja Učyciela «Macilda» na ekrany zapłanavany ŭ kastryčniku 2017 hoda. U asnovu siužetu loh raman pra Mikałaja II, jaki jašče nie ŭstupiŭ na pasad, z artystkaj baleta Macildaj Kšesinskaj.

• 0
• 0
• 0
• 0
• 0
• 0
• 0
• 0