Tehieran da kanca hetaha hodu zajmieje novy zenitny kompleks, jaki abaronić jadziernyja abjekty krainy ad lubych niečakanych udaraŭ. Pra heta paviedamiła krynica ŭ ministerstvie abarony Izrailu.
Pra heta sa spasyłkaj na krynicy ŭ Minabarony Izrailu paviedamlaje vydańnie Jerusalem Post. Čakajecca, što pieršaja pastaŭka rakietnych batarejaŭ S‑300 adbudziecca nie paźniej za vierasień.
U minułym śniežni Iran zajaviŭ, što zamoviŭ nabyćcio niekalkich rakietaŭ S‑300. Ale Maskva abvierhła paviedamleńni ab svaim udziele ŭ hetaj ździełcy.
Pavodle vydańnia, Iran užo maje niekalki systemaŭ S-300. Hety kompleks zdolny adsočvać adnačasna 100 metaŭ i źniščać samaloty na adlehłaści 120 km.
Pavodle izrailskich ekspertaŭ, dla razhortvańnia kompleksu i padrychtoŭki adpaviednych specyjalistaŭ Iranu spatrebicca prykłada hod.
U svaju čarhu Maskva asprečvaje fakt ździełki z Tehieranam.
Tym časam, analityk i vydaviec ŭpłyvovaha brytanskaha vajennaha časopisu Janes Air-Launched Weapons Robert Chjusan na staronkach vydańnia piša, što adpaviednaja ździełka była ažyćcioŭlenaja pry pasiarednictvie Biełarusi. Heta dazvoliła Rasiei, jakaja daŭno razdražniaje Zachad svaim jadziernym supracoŭnictvam ź Iranam, farmalna nia ŭdzielničać u joj.
Ciapier čytajuć
Kvadrat u Minsku kaštuje rekordna doraha: narešcie pabity rekord 2007 hoda2
Kamientary