Mahiloŭski harvykankam zaćvierdziŭ łahatyp śviatkavańnia 750-hodździa Mahilova, u jaho asnovu lehła tradycyjnaja biełaruskaja vyšyŭka. Pra heta paviedamiła siońnia na bryfinhu namieśnik staršyni harvykankama Ała Hałuška, pieradaje BIEŁTA.
Na adkryty haradski konkurs na najlepšy łahatyp da śviatkavańnia jubilejnaj daty pastupiła 70 tvorčych rabot. U mnohich była vykarystanaja simvolika horada, u tym liku znakavyja abjekty, skulptury lvoŭ, nacyjanalny arnamient. U vyniku było pryniataje rašeńnie adlustravać u łahatypie, vykarystoŭvajučy styl vyšyŭki kryžykam (na biełym fonie čyrvonym), historyju i sučasny horad z dapamohaj znakavych viadomych abjektaŭ. Nad kančatkovym varyjantam hałoŭnaha simvała jubileju pracavała ŭžo vialikaja tvorčaja hrupa, u vyniku stvorany paznavalny łahatyp, jaki atrymaŭ adnahałosnaje ŭchvaleńnie.
«Hety łahatyp budzie vykarystoŭvacca pry śviatočnym afarmleńni horada, na suvienirnaj pradukcyi, pry afarmleńni abjektaŭ handlu i hramadskaha charčavańnia, to bok stanie hałoŭnym brendam śviatkavańnia 750-hodździa horada, jakoje projdzie z 22 červienia pa 3 lipienia», — skazała Ała Hałuška.
Hałoŭnaja daminanta łahatypa — simvał samakiravańnia — haradskaja Ratuša. Źleva ad jaje — Śviata-Nikolski sabor (uklučany JUNIESKA ŭ rejestr najbolš kaštoŭnych zbudavańniaŭ Jeŭropy ŭ styli baroka) i miemaryjalny kompleks Bujnickaje pole. Sprava — pomnik architektury ŭ styli madern, były budynak paziamielna-sialanskaha banka (ciapier Mahiloŭski abłasny mastacki muziej imia P. Maślenikava) i — jak simvał sučasnaści i paŭnaty žyćcia — žyłaja vysotka. Viančajuć z abodvuch bakoŭ łahatyp minijaciurnyja lvy jak simvały lehiend ab pachodžańni Mahilova i napamin pra toje, što Mahiloŭ pretendavaŭ stać stalicaj Biełarusi, a taksama kankuravaŭ pa bahaćci i pryhažości z mnohimi stalicami jeŭrapiejskich dziaržaŭ. Unizie łahatypa linijaj idzie vyšyŭka, zapazyčanaja z aŭtentyčnaha mahiloŭskaha rušnika. Jana simvalizuje ŭradlivaść ziamli i žyćcio, a ŭ samym jaje centry nadpis «Mahiloŭ-750».
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary