U stalicy vostra staić pytańnie z parkoŭkaj i zachoŭvańniem aŭtamašyn. Kab vyrašyć hetaje pytańnie, haradzkija ŭłady i dziaržaŭtainspekcyja stvarajuć sumiesnyja prajekty. Tak, było pryniataje rašeńnie ab budaŭnictvie ŭ Miensku časovych achoŭnych aŭtastajanak i tratuarnych parkovak.
U stalicy vostra staić pytańnie z parkoŭkaj i zachoŭvańniem aŭtamašyn. Kab vyrašyć hetaje pytańnie, haradzkija ŭłady i dziaržaŭtainspekcyja stvarajuć sumiesnyja prajekty. Tak, było pryniataje rašeńnie ab budaŭnictvie ŭ Miensku časovych achoŭnych aŭtastajanak i tratuarnych parkovak.
«Dziaržaŭtainspekcyja zakłapočanaja prablemaj niachvatki ŭ stalicy aŭtastajanak i parkovak. Siońnia ŭ Miensku zarehistravana amal paŭmiljona adzinak asabistaha lehkavoha aŭtatranspartu. A miescami na parkoŭkach, aŭtastajankach, a taksama haražami zabiaśpiečany tolki 31 pracent aŭtaŭładalnikaŭ. Heta vielmi mała, kaža namieśnik načalnika ŭpraŭleńnia DAI, načalnik adździełu arhanizacyi darožnaha ruchu h. Miensku Kanstancin Strach. — Mienavita tamu my vystupili ź inicyjatyvaj taho, kab va ŭsich rajonach horadu ŭ samych prablemnych miescach byli pabudavanyja aŭtastajanki i tratuarnyja parkoŭki. Planujecca, što ŭ chutkim časie ŭ stalicy źjavicca 185 parkovak, na kožnaj raźmieścicca 75—100 mašyn. Ale heta nia vyrašyć całkam prablemu. Da taho ž jašče nia znojdzieny hrošy dla realizacyi hetaha prajektu».
Pakul jašče nieviadoma, kolki budzie kaštavać adna takaja tratuarnaja parkoŭka. Specyjalna dla hetaha treba zrabić karekciroŭku biudžetu horadu. Kali chutka buduć znojdzieny srodki, realizavać prajekt možna jašče sioleta. Haradzkija ŭłady raźličvajuć na dapamohu tych arhanizacyj i pradpryjemstvaŭ, niepadalok ad jakich i buduć raźmieščany tratuarnyja parkoŭki. Tamu ciapier idzie aktyŭny pošuk patencyjalnych investaraŭ. Dziaržaŭtainspekcyja vystupaje za toje, kab spraścić praces uzhadnieńnia i zboru patrebnych dakumientaŭ. Usio heta robicca dla pryciahnieńnia inviestaraŭ.
«Mnohija pryvykli da taho, što možna stavić mašyny amal usiudy. Ale heta niapravilny stereatyp. My zmahajemsia z takimi parušeńniami. Niekatorych prosta papiaredžvajem. A byvajuć takija sytuacyi, što davodzicca vypisvać štraf abo evakujavać transpart. Ale evakuacyja — heta apošni krok. Razumiejecie, u dvarach možna pakinuć mašynu tolki časova, naprykład, u čas abiedu. A dla pastajannaj parkoŭki adviedzieny specyjalnyja miescy, — tłumačyć Kanstancin Strach.
Pavodle jaho słoŭ, za dzień na achoŭnuju stajanku evakujujucca niekalki dziasiatkaŭ aŭtamabilaŭ, jakija byli niapravilna pryparkavanyja i zaminali ruchu transpartu i piešachodaŭ. A da administracyjnaj adkaznaści kožny dzień pryciahvajecca niekalki sotniaŭ kiroŭcaŭ, jakija parušyli praviły prypynku abo stajanki. Pakarańnie za parušeńnie praviłaŭ parkoŭki ŭ Biełarusi pakul jašče nia vielmi žorstkaje. Mahčyma, što mienavita tamu ŭ Miensku stolki parušeńniaŭ, źviazanych ź niapravilnaj parkoŭkaj.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje19
Kamientary