Siadzieć jon ciapier budzie z byłymi milicyjantami. Byłyja palitviaźni nie vyklučajuć, što takim čynam kantrol nad lideram pradprymalnickaha ruchu budzie ŭzmocnieny.
Pra pieravod u Mienskuju kaloniju Siarhiej Parsiukievič paviedamiŭ žoncy Natalli praz telefon 24 lipienia:
«Dazvolili jamu pazvanić, i jon paviedamiŭ, što pieravodziać u Mienskuju kaloniju. Maŭlaŭ, jamu treba tam być jak byłomu milicyjantu. Siarhiej byŭ vielmi razhubleny. Majo mierkavańnie, što maralna ździekujucca ź jaho».
Siońnia, 25 lipienia, u administracyi Mienskaj kalonii paćvierdzili, što Siarhieja Parsiukieviča ŭžo pryvieźli ŭ kaloniju. U jakim atradzie jon budzie adbyvać pakarańnie, nie paviedamili. Supracoŭnik administracyi skazaŭ, što pra heta svajakam viaźnia paviedamiać praz dva tydni paśla taho, jak jon projdzie karantyn. Pryčyny pieravodu milicyjanty nie kamentujuć.
U Mienskaj kalonii, jakaja maje pieršy paradkavy numar siarod kalonij Biełarusi, znachodzicca admysłovy atrad dla adbyćcia pakarańnia byłymi supracoŭnikami milicyi, prakuratury i KDB.
Siarhieja Parsiukieviča asudzili na 2,5 hoda źniavoleńnia. Pavodle prysudu, Parsiukievič źbiŭ milicyjanta, kali adbyvaŭ administracyjny aryšt za ŭdzieł u mitynhu pradprymalnikaŭ 10 studzienia. Sam asudžany zajaŭlaje, što źbivali jaho.
Ciapier čytajuć
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku1
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary