Kazachstan zapuskaje sistemu elektronnaha dazvołu na ŭjezd (ETA — Electronic Travel Authorization) dla inšaziemcaŭ. Aformić jaho možna budzie praz mabilny dadatak QazETA, paviedamiŭ Respublikanski sajuz turystyčnaj industryi.
ETA nie źjaŭlajecca vizaj — heta papiaredni dazvoł na ŭjezd dla hramadzian krain ź biaźvizavym režymam. Pavodle infarmacyi pasolstva Kazachstana ŭ Biełarusi, pakul sistema pracuje ŭ piłotnym režymie i afarmleńnie ETA maje rekamiendacyjny charaktar. Adnak u budučyni jano stanie abaviazkovaj umovaj dla ŭjezdu hramadzian biaźvizavych krain.
Zajaŭku na atrymańnie ETA nieabchodna padavać praź ličbavuju płatformu QazETA nie paźniej čym za 72 hadziny da ŭjezdu ŭ Kazachstan. Dazvoł dziejničaje 180 dzion, nie zamianiaje vizu dla tych krain, dzie jana patrabujecca, a kančatkovaje rašeńnie ab ujeździe prymaje pamiežnaja słužba.
Hramadzianie Biełarusi mohuć ujazdžać u Kazachstan bieź vizy na termin da 90 dzion na praciahu kožnaha paŭhodździa. Avijakampanija Belavia vykonvaje rejsy ź Minska ŭ Astanu, a taksama adnoŭlenyja paloty ŭ Ałmaty — spačatku avijakampanijaj SCAT, a paźniej i Belavia.
Elektronny dazvoł nie patrebny ŭładalnikam dypłamatyčnych i słužbovych pašpartoŭ, členam aficyjnych delehacyj i pradstaŭnikam akredytavanaha dypłamatyčnaha korpusa.
U Biełarusi pradali tur na 10 dzion za dvaich amal za 23 tysiačy dalaraŭ. Što za kirunak?
Bieź viz ciapier možna trapić u Łaos
Biełaruś jość siarod krain, hramadzianam jakich amierykancy nie buduć vydavać imihracyjnyja vizy
«Chto ŭvohule takija biełarusy». Siamja apłaciła tur na Kaba-Verde, ale nie zmahła atrymać vizy ni ŭ adnym konsulstvie Jeŭropy
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary