Łukašenka: Biełaruskaja milicyja ŭ «lichija» 90-ja zmahła zabiaśpiečyć pravaparadak i adradzić aŭtarytet dziaržavy
Biełaruskaja milicyja ŭ «lichija» 90-ja zmahła zabiaśpiečyć pravaparadak i adradzić aŭtarytet dziaržavy. Ab hetym Prezident Biełarusi Alaksandr Łukašenka zajaviŭ siońnia, vystupajučy na ŭračystym schodzie ŭ honar 100-hodździa ŭtvareńnia biełaruskaj milicyi, pieradaje BIEŁTA.
Jak adznačyŭ kiraŭnik dziaržavy, pieršyja hady stanaŭleńnia milicyi ŭ čas utvareńnia niezaležnaj Biełarusi prachodzili va ŭmovach amal poŭnaha abvału ekanomiki i dehradacyi ŭsich śfier žyćcia hramadstva.
«Plus da hetaha razhuł złačynnaści i vidavočnaja słabaść ułady - takaja karcina pačatku «lichich» dzievianostych hadoŭ. Biełaruskamu narodu spatrebiłasia abarona, spatrebiłasia nadziejnaje plačo. I my z vami zmahli viarnuć upeŭnienaść naroda ŭ zaŭtrašnim dni, zabiaśpiečyć pravaparadak i adradzić aŭtarytet dziaržavy», - zajaviŭ Alaksandr Łukašenka.
Prezident padkreśliŭ, što za čas svajho isnavańnia biełaruskaja milicyja spravami i ŭčynkami zavajavała aŭtarytet i ŭsienarodnuju padtrymku. «Bieź pierabolšańnia možna havaryć ab tym, što historyja orhanaŭ unutranych spraŭ - hieraičny letapis samaaddanaha i samaachviarnaha słužeńnia Ajčynie mnohich pakaleńniaŭ lepšych jaje synoŭ i dačok», - skazaŭ biełaruski lidar.
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary