Kiraŭnik Minpracy: Častka biespracoŭnych zmoža pretendavać na apłatnyja hramadskija raboty
Zadańnie prezidenta ab pracaŭładkavańni da 1 maja usich biespracoŭnych budzie vykanana, pry hetym častka biespracoŭnych da 1 maja zmoža pretendavać tolki na apłatnyja hramadskija raboty. Pra heta zajaviła ministr pracy i sacyjalnaj abarony Iryna Kaścievič ŭ efiry prahramy «Kontury» na telekanale ANT.
«Da 1 maja jość zadača zabiaśpiečyć usich biespracoŭnych pracaj. Heta tyja, kamu treba pastajannuju pracu, i tyja, dla kaho niama pracy na rynku pa ich kvalifikacyi. Dla ich patrebny apłatnyja hramadskija raboty jak časovaja miera padtrymki. Miascovyja ŭłady hetym zojmucca», — adznačyła Kaścievič.
Niadaŭna pryznačanaja ministr adznačyła, što sistema sacabarony ŭ krainie vybudavanaja — jość dziaržaŭnaja adrasnaja sacyjalnaja dapamoha, piać vidaŭ sacpadtrymki.
«Sistema budzie ŭdaskanalvacca», - zapeŭniła jana.
Ministra taksama spytali ab vykanańni prezidenckaha zadańnia pa roście siaredniaha zarobku. Kaścievič padkreśliła, što tut važnaja «sčepka rostu zarpłaty z rostam pradukcyjnaści pracy».
«Nie pa kožnym pradpryjemstvie zarpłata da kanca hoda moža vyraści da 1000 rubloŭ. U bližejšy čas my płanujem vyjechać na miesca, kab zładzić mazhavy šturm pa hetym pytańni», - raspaviała jana.
-
Cichanoŭski raskazaŭ, jak za dapamohu jamu asudzili inšaha viaźnia, što siadzieŭ nie za palityku
-
«Nad hałavoj opiera visieŭ partret Stalina». Vialikaja hutarka z vykładčycaj Natallaj Dulinaj pra hopnikaŭ z HUBAZiKa i Kaleśnikavu. I važnuju paradu dla ŭsich
-
«Kaleśnikavu pierad sustrečaj z baćkam sprabavali pryvieści ŭ paradak — jana była na ŭzmocnienym charčavańni»
Kamientary