Кіраўнік Мінпрацы: Частка беспрацоўных зможа прэтэндаваць на аплатныя грамадскія работы
Заданне прэзідэнта аб працаўладкаванні да 1 мая усіх беспрацоўных будзе выканана, пры гэтым частка беспрацоўных да 1 мая зможа прэтэндаваць толькі на аплатныя грамадскія работы. Пра гэта заявіла міністр працы і сацыяльнай абароны Ірына Касцевіч ў эфіры праграмы «Контуры» на тэлеканале АНТ.
«Да 1 мая ёсць задача забяспечыць усіх беспрацоўных працай. Гэта тыя, каму трэба пастаянную працу, і тыя, для каго няма працы на рынку па іх кваліфікацыі. Для іх патрэбны аплатныя грамадскія работы як часовая мера падтрымкі. Мясцовыя ўлады гэтым зоймуцца», — адзначыла Касцевіч.
Нядаўна прызначаная міністр адзначыла, што сістэма сацабароны ў краіне выбудаваная — ёсць дзяржаўная адрасная сацыяльная дапамога, пяць відаў сацпадтрымкі.
«Сістэма будзе ўдасканальвацца», - запэўніла яна.
Міністра таксама спыталі аб выкананні прэзідэнцкага задання па росце сярэдняга заробку. Касцевіч падкрэсліла, што тут важная «счэпка росту зарплаты з ростам прадукцыйнасці працы».
«Не па кожным прадпрыемстве зарплата да канца года можа вырасці да 1000 рублёў. У бліжэйшы час мы плануем выехаць на месца, каб зладзіць мазгавы штурм па гэтым пытанні», - распавяла яна.
Каментары