U Viciebsku supracoŭnikaŭ zavoda santechnarychtovak pieraviali na 2-hadzinny pracoŭny tydzień
Na Viciebskim zavodzie santechnarychtovak skaracili pracoŭny hrafik da dźviuch hadzin na tydzień. Supracoŭniki pradpryjemstva pracujuć pa paniadziełkach z 8.00 da 10.20 hadzin z 20-chvilinnym pierapynkam na abied.
Takoje rašeńnie pryniata kiraŭnictvam zavoda ŭ suviazi «sa składanym ekanamičnym stanoviščam, doŭhaj adsutnaściu budaŭniča-mantažnych rabot, u metach źnižeńnia pracavydatkaŭ».
«Apłata budzie pravodzicca praparcyjna adpracavanamu času. U vypadku admovy praciahnuć pracu ŭ novych umovach pracy vy budziecie zvolnienyja… » — havorycca ŭ rasparadžeńni za podpisam dyrektara zavoda Viačasłava Prakofjeva. Kiraŭnik kampanii admoviŭsia ad kamientaroŭ, spasłaŭšysia na zaniataść.
U buchhałteryi pradpryjemstva paviedamili, što zavod pracuje na poŭnym pracoŭnym tydni, a skaračeńnie zakranuła tolki adno padraździaleńnie.
«Tolki mantažny ŭčastak byŭ pieraviedzieny na skaročany pracoŭny tydzień — heta litaralna dzieviać čałaviek», — kažuć na Viciebskim zavodzie santechnarychtovak. Pry hetym u rasparadžeńni za podpisam dyrektara havorycca pra ŭvieś zavod, a nie pra kankretny ŭčastak.
U lutym na pradpryjemstva šukali juryskonsulta na 410 rubloŭ, namieśnika hałoŭnaha buchhałtara na 640 rubloŭ, a ŭ studzieni — elektrazvarščyka 3—4 razradu (na 300 rubloŭ).
Kamientary