Praces nad kiraŭnikom «Art-siadziby» Paŭłam Biełavusam prachodziŭ u sudzie Leninskaha rajona. Pavieł razam ź ciažarnaj žonkaj byŭ zatrymany ŭčora, 26 sakavika, padčas akcyi na Kastryčnickaj płoščy ŭ Minsku. Žonku nieŭzabavie adpuścili, a Paŭła advieźli ŭ Centr izalacyi pravaparušalnikaŭ na Akreścina, dzie jon pravioŭ noč.
Jaho vinavacili u tym, što jon łajaŭsia matam, hučna kryčaŭ, pavodziŭ siabie ahresiŭna. Vinu Biełavus nie pryznaŭ.
«Ja razmaŭlaju pa-biełarusku, i kab ja vyražaŭsia, to supracoŭniki amapa i nie zrazumieli b, što ja maju na ŭvazie, naprykład «trasca tabie ŭ bok», — raspavioŭ sudździ Biełavus.
Śviedki-amapaŭcy dali standartnyja pakazańni: niecenzurna vykazvaŭsia, razmachvaŭ rukami.
Sudździ pakazali videa zatrymańnia Biełavusa i źviarnuli ŭvahu, što zatrymlivajuć jaho nie tyja amapaŭcy, jakija vystupili śviedkami. Sudździa nie źviarnuŭ uvahu na heta.
Prysud Biełavusu — 15 sutak aryštu.
«Na rozdum dali paŭhadziny». Nastaŭnicy z Połacka daviałosia zvolnicca z-za tyktok-błoha2
Kamientary