Ministerstva antymanapolnaha rehulavańnia i handlu płanuje adkryć haračuju liniju pa faktach nieabhruntavanaha zavyšeńnia cen, paviedamiŭ ministr antymanapolnaha rehulavańnia i handlu Uładzimir Kałtovič, paviedamlaje BIEŁTA.
«Što tyčycca inflacyi, to ŭsio ŭ prahnoznych ramkach. Mahu vykazać upeŭnienaść, što da kanca hoda prahnazavany ŭzrovień inflacyi pieravyšany nie budzie. Inšaje pytańnie, ci zadavoleny čałaviek cenami. My ŭ MARH pryniali rašeńnie adkryć haračuju liniju, kab pašyryć naš manitorynh pa faktach nieabhruntavanaha zavyšeńnia cen», — adznačyŭ Uładzimir Kałtovič.
Pa jaho słovach, užo ciapier ministerstva pravodzić analiz rynku na pradmiet cenaŭtvareńnia.
«My bačym, što niekatoryja handlovyja pradpryjemstvy stracili sumleńnie. Bačym handlovyja nadbaŭki, jakija z 20% stali 40%, 60%. Asabliva mianie turbujuć pytańni farmavańnia cen na dziciačaje charčavańnie. U bližejšy čas my nabirajem materyjał, praviadziem kalehiju i pasłuchajem pradpryjemstvy, pryčym nie tolki handal, ale i vytvorcaŭ, jakija staviać nieabhruntavanyja ceny, u adpaviednaści z faktarami, jakija składvajucca na rynku, — skazaŭ ministr.
Kamientary