Videa znoŭ nie dapamahło. Minharsud pakinuŭ u sile rezanansny prysud žurnalistu «Biełsata»
Minharsud pakinuŭ u sile rašeńnie ab aryšcie apieratara telekanała «Biełsat» Alaksandra Barazienki na 15 sutak pa artykule «drobnaje chulihanstva». Sudździa Ihar Lubavicki razhladaŭ kasacyjnuju skarhu žurnalista na rašeńnie suda Maskoŭskaha rajona ŭ adsutnaść Barazienki, jaki znachodzicca ŭ izalatary na Akreścina. Takim čynam, na volu jon vyjdzie 9 krasavika.
U sudzie pa chadajnictvie advakata znoŭ prademanstravali videa zatrymańnia Barazienki, jakoje jon źniaŭ sam. Na videa čuvać, što nasupierak śviedčańniam supracoŭnikaŭ AMAP u pieršym pracesie i ich pratakołam, Barazienka nie łajecca matam, nia vykrykvaje łozunhaŭ i pradstaŭlajecca žurnalistam.
Sudździa Lubavicki pahladzieŭ videa na noŭtbuku i pajšoŭ u daradčy pakoj. A praz 10 chvilin viarnuŭsia i pastanaviŭ pakinuć rašeńnie Maskoŭskaha suda bieź źmienaŭ.
Nahadajem, Alaksandra Barazienku adpravili na 15 sutak aryštu 27 sakavika, paśla zatrymańnia na Dni Voli. Rašeńnie vyniesła sudździa Maskoŭskaha rajona Taćciana Matyl na padstavie pakazańniaŭ supracoŭnikaŭ AMAP. Tak Michaił Varyvončyk skazaŭ, što Alaksandr Barazienka vykrykvaŭ niecenzurnuju łajanku i nie nazvaŭsia žurnalistam. Inšy amapaviec Arciom Michalevič skazaŭ, što Barazienka vykazvaŭ «niezadavolenaść» suprać dekreta № 3. Milicyjanty taksama kazali, što Barazienka razmachvaŭ rukami, niahledziačy na toje, što ŭ jaho ŭ rukach była kamiera sa štatyvam.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary