Ministerstva kultury admoviła BAŽ i PEN-centru ŭ statusie tvorčych sajuzaŭ
Ministerstva kultury admoviłasia admianić pastanovu № 7 ad 30 studzienia 2017 hoda, pavodle jakoj HA «Biełaruskaja asacyjacyja žurnalistaŭ» i Biełaruski PEN-centr nie ŭvajšli ŭ pieralik tvorčych sajuzaŭ.
Pra heta havorycca ŭ adkazie ministerstva na kalektyŭny zvarot BAŽ, Biełaruskaha PEN-centra i Sajuza biełaruskich piśmieńnikaŭ, jaki arhanizacyi nakiroŭvali 15 sakavika. Pavodle ministerstva, status tvorčaha rabotnika, člena tvorčaha sajuza, paćviardžajecca tvorčym sajuzam u paradku, ustanoŭlenym mienavita statutam tvorčaha sajuza.
HA «BAŽ», RHA «Biełaruski PEN-centr», HA «Sajuz biełaruskich piśmieńnikaŭ» źviarnulisia ŭ Ministerstva kultury z prośbaju patłumačyć, čamu hetyja arhanizacyi nie ŭvajšli ŭ śpis tvorčych sajuzaŭ. Razam z tym inšyja hramadskija abjadnańni, siabry jakich zajmajucca anałahičnaj dziejnaściu, u hety śpis uvajšli.
«Zhodna z art. 22 Kanstytucyi Respubliki Biełaruś, usie roŭnyja pierad zakonam i majuć prava biez usialakaj dyskryminacyi na roŭnuju abaronu pravoŭ i zakonnych intaresaŭ. Situacyja, kali pa niezrazumiełych i nieprazrystych kryterach adny z hramadskich abjadnańniaŭ byli ŭklučany Ministerstvam kultury ŭ pieralik tvorčych sajuzaŭ, a druhija — nie, jość pakazalnikam dyskryminacyjnaha padychodu z boku ministerstva da šerahu arhanizacyjaŭ i ich členaŭ, jakija zajmajucca tvorčaj pracaj, što parušaje Kanstytucyju Respubliki Biełaruś», — havaryłasia ŭ zvarocie ŭ Minkult.
Pakul išoŭ razhlad dadzienaha zvarotu, Ministerstva kultury ŭsio ž skarektavała pastanovu №7, viarnuŭšy status tvorčaha sajuza Sajuzu biełaruskich piśmieńnikaŭ.
Ciapier čytajuć
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa77
Kamientary