Manachinia vyratavała ŭ mory troch kalažanak, ale sama vyratavacca nie zdoleła
Trahičnaje zdareńnie adbyłosia dniami na Sicylii.
45‑hadovaja Nadzir Santuš da Siłva patanuła ŭ mory na poŭdni Katanii na Sicylii paśla taho, jak kinułasia na dapamohu siostram sa svajoj supolnaści, piša catholic.by.
«Jaje žest akazańnia dapamohi adlustroŭvaje ŭsio jaje žyćcio, jakoje było niaspynnym daram», — skazaŭ arcybiskup Katanii, daviedaŭšysia pra jaje śmierć.
Ciastra Nadzir razam z tryma inšymi karmelitkami špacyravała pa vadzie niedaloka ad bieraha. Niabačny razłom u piasku pryvioŭ da taho, što siostry, jakija, vierahodna, nie ŭmieli płavać, upali ŭ hłybokuju vadu i ich nakryła chvalami. Siastra Nadzir biez vahańniaŭ kinułasia im na dapamohu.
Trom siostram jana dapamahła vybracca na bierah, a sama patanuła ŭ vyniku źniasileńnia i zachłynańnia marskoj vadoj. Adna z vyratavanych siaścior pasprabavała dapamahčy joj, vyciahvajučy jaje z vady, ale siastra Nadzir užo była biez prytomnaści.
Siastra Nadzir była rodam z Brazilii. Jana naležała da Kanhrehacyi karmelitak Pasłańnic cviatoha Ducha i słužyła ŭ supolnaści San-Džavani-Ła-Punta, dzie viestka pra jaje śmierć chutka raspaŭsiudziłasia siarod viernikaŭ, śviataroŭ i parafijan, vyklikaŭšy vielizarnaje ŭzrušeńnie. Jaje duchoŭny kiraŭnik zhadvaje jaje jak čałavieka, jaki nie zadavolvaŭsia paŭmierami.
«Jana była žančynaj, niazdolnaj źmirycca z pasrednaściu, jakaja pastajanna šukała paŭnaty i paźbiahała paviarchoŭnaści. Jaje pošuki Boha byli ščyrymi i adznačanymi sapraŭdnaściu: nie pazbaŭlenymi baraćby, pakut abo supiarečnaściaŭ, ale zaŭsiody ažyŭlenymi prahaj iściny», — kaža Bruna Lins.
Jon zhadvaje, što historyja žyćcia karmelitki — heta vobraz Božaj Miłasernaści. «U junactvie jana była dalokaja ad viery, nazyvała siabie zbuntavanym pankam i anarchistkaj.
Adnak siła Śviatoha Ducha pryviała jaje da hłybokaj transfarmacyi, pieratvaryŭšy jaje raniejšy bunt u poŭnuju addanaść Bohu ŭ Karmelii», — padkreślivaje ksiondz Lins. U jakaści svajho devizu karmelitka abrała słovy Jana Paŭła II: «Luboŭ dazvoliła mnie ŭsio zrazumieć».
Arcybiskup Katanii nahadvaje, što siastra Nadzir była nastajacielnicaj siaścior, jakim jana paśpiašałasia na dapamohu. «Heta byŭ jaje apošni žest lubovi», — padkreślivaje arcybiskup Łuidžy Rena. Jon kaža, što nastajacielnicu karmelickaj supolnaści vielmi lubili. Jana ŭmieła pryciahvać da siabie ludziej.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary