Na Zachadzie nie zaŭvažyli razrekłamavanych vyprabavańniaŭ rasijskaha «Sarmata». U MZS Rasii raskazali, nakolki jany da hetaha abyjakavyja
Rasija praciahnie demanstravać siłu ŭ halinie stratehičnych uzbrajeńniaŭ, kab «astudzić haračyja hałovy» na Zachadzie, zajaviŭ namieśnik ministra zamiežnych spraŭ Rasii Siarhiej Rabkoŭ, kamientujučy vyprabavańni rakietnaha kompleksu «Sarmat», jakija prajšli ŭ pačatku tydnia, piša The Moscow Times.
«My pavinny ŭpeŭniena, spakojna, ćviorda, adkazna demanstravać ułasnyja mahčymaści dla achaładžeńnia «haračych hałoŭ», skažam tak, jakich niamała i jakija, asabliva pa pierymietry našych hranic na zachad, hulajuć z roznaha rodu kancepcyjami parasonaŭ», — skazaŭ Siarhiej Rabkoŭ.
Havorka idzie pra stratehiju «jadziernaha parasona» ŭ Jeŭropie, jakuju zabiaśpiečvajuć ZŠA z 1954 hoda, prykryvajučy krainy kantynienta ad mahčymaj ahresii susiedziaŭ.
Pa słovach Rabkova, Rasija robić usio ŭ śfiery biaśpieki, kab jaje hramadzianie «byli ŭpeŭnienyja ŭ tym, što im ničoha nie pahražaje».
«I kab nikomu ŭ zapalenych mazhach, jakim mroicca pieramoha nad vialikaj Rasijaj, nie padałosia, što ciapier momant, kali možna pasprabavać svaje siły. Jany atrymajuć. Nijakija parasony ich nie vyratujuć», — zajaviŭ namieśnik kiraŭnika MZS.
Raniej, 12 maja kamandujučy rasijskich Rakietnych vojskaŭ stratehičnaha pryznačeńnia Siarhiej Karakajeŭ paviedamiŭ prezidentu Rasii Uładzimiru Pucinu pra paśpiachovy pusk «Sarmata», paśla čaho toj čarhovy raz paabiacaŭ pastavić rakiety na bajavoje dziažurstva. Adnak nijakaj reakcyi z boku zachodnich lidaraŭ na heta, nasupierak čakańniam, nie było.
Rasijskaje kiraŭnictva na samych roznych uzroŭniach prykłała šmat vierbalnych namahańniaŭ, kab pierakanać Zachad, što ŭ ich adbyŭsia hrandyjozny praryŭ. Pucin nazvaŭ rakietu, jakaja raspracoŭvajecca z 2013 hoda, «samaj mahutnaj u śviecie», namieśnik kiraŭnika Rady biaśpieki Dźmitryj Miadźviedzieŭ «vinšavaŭ» z puskam «zachodnich siabroŭ», a rasijskaja teleprapahanda bolš za sutki ŭschvalała «Sarmat» u navinavych vypuskach. Pradstaŭnik Kramla Dźmitryj Piaskoŭ zajaŭlaŭ, što Maskva paviedamiła ZŠA i inšym krainam pra vyprabavańni «Sarmata». Ale, niahledziačy na hetyja i inšyja pijar-kroki, ni prezident ZŠA Donald Tramp, ni jeŭrapiejskija lidary, ni pradstaŭniki ŭradaŭ abo Minabarony zachodnich krain nie ŭdastoili rakietu svaimi kamientaryjami.
Rabkoŭ na heta zajaviŭ, što «jany nie chočuć stvarać [rakiecie] rekłamu, ale «Sarmat» u rekłamie nie maje patreby», nazvaŭšy adsutnaść reakcyi na Zachadzie «kvaziabyjakavaściu».
«My nie čakali, nie čakajem i nikoli nie budziem čakać nijakaj reakcyi z boku našych zachodnich praciŭnikaŭ i apanientaŭ na vyprabavańni tych ci inšych našych pierśpiektyŭnych sistem», — padkreśliŭ jon.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki25
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu1010
Kamientary
[Zredahavana]