Biełaruski dalnabojščyk źbiŭ dvuch ravarystaŭ u Rumynii. Mužčyna pasprabavaŭ źbiehčy ź miesca avaryi, ale byŭ zatrymany. Pra heta paviedamlaje Romania-insider.
Incydent adbyŭsia ŭ minułyja vychodnyja ŭ horadzie Hałac. Miascovaja palicyja sprabavała spynić hruzavik paśla taho, jak jon źbiŭ ravarystaŭ, ale kiroŭca ihnaravaŭ sihnały i ŭ chodzie pahoni prataraniŭ jašče adzin aŭtamabil. Paśla praciahłaj pahoni mašynu ŭdałosia spynić i zatrymać kiroŭcu.
Parušalnikam apynuŭsia 29-hadovy dalnabojščyk ź Biełarusi. Vyśvietliłasia, što jon byŭ pjany. Pa słovach zatrymanaha, jon vypiŭ paŭplaški harełki z-za prablemaŭ na pracy.
Mužčyna aryštavany. Jaho abvinavačvajuć u zamachu na zabojstva, naŭmysnym naniasieńni cialesnych paškodžańniaŭ, kiravańnie MS u stanie ałkaholnaha apjanieńnia i pakidańni miesca DTZ.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)