U krasaviku pryjaždžała delehacyja z Amanu: šejchi chočuć pabudavać što-niebudź u Miensku. Haradzkija ŭłady nia stali admaŭlać darahim haściam.
U krasaviku sioleta ŭ Miensk pryjaždžała delehacyja z Amanu: vyśvietliłasia, što šejchi chočuć pabudavać što-niebudź u Miensku. Haradzkija ŭłady nia stali admaŭlać darahim haściam u mahčymaści patracić svaje kapitały i prapanavali im pad zabudovu niekalki ŭčastkaŭ. U pryvatnaści, kvartał miž vulicami Bahdanoviča, Kupały i Śvisłačču, dzie zaraz raźmiaščajecca druhaja kliničnaja balnica i vystavačny kompleks «Biełekspa».
Prajekt raspracoŭvaje anhielskaje architekturnaje biuro Chapman Taylor. Miarkujecca pabudavać u rajonie mosta praź Śvisłač pa vulicy Kupały biznes-centar, a na miescy siońniašniaha šklanoha paviljonu «Biełekspa» — čarhovuju piacizorkavuju haścinicu. Što budzie z karpusami Druhoj kliničnaj balnicy, siarod jakich jość i pabudovy byłoha Troickaha manastyru bazylijanak, pakul niezrazumieła. Całkam mahčyma, što jaho zachavajuć.
Jašče adzin mahčymy amanski prajekt u Miensku — zabudova rajonu ŭ miežach vulic Bahdanoviča, Kisialova, Kujbyšava i Kamunistyčnaj. Tyja budynki, jakija isnujuć u tych kvartałach, buduć źniesienyja. Na ich miescy chočuć pabudavać biznes-centar i ceły kompleks žyłych damoŭ. Najchutčej, što zabudoŭvacca budzie terytoryja zavodu «Haryzont».
Nu i treci investycyjny prajekt, jaki prapanavali siabry Sułtanata Aman – heta zabudova terytoryi u miežach vulic Čyrvonaarmiejskaja – Pieršamajskaja i rečki Śvisłač. Z vynasam stankabudaŭničaha zavodu imia Kirava i znosam budynkaŭ, jakija tam užo majucca.
Što za «Sihma boj»? Hetaj virusnaj pieśniaj zaniepakoilisia ŭ Jeŭraparłamiencie13
Kamientary