У красавіку прыяжджала дэлегацыя з Аману: шэйхі хочуць пабудаваць што-небудзь у Менску. Гарадзкія ўлады ня сталі адмаўляць дарагім гасьцям.
У красавіку сёлета ў Менск прыяжджала дэлегацыя з Аману: высьветлілася, што шэйхі хочуць пабудаваць што-небудзь у Менску. Гарадзкія ўлады ня сталі адмаўляць дарагім гасьцям у магчымасьці патраціць свае капіталы і прапанавалі ім пад забудову некалькі ўчасткаў. У прыватнасьці, квартал між вуліцамі Багдановіча, Купалы і Сьвіслаччу, дзе зараз разьмяшчаецца другая клінічная бальніца і выставачны комплекс «Белэкспа».
Праект распрацоўвае ангельскае архітэктурнае бюро Chapman Taylor. Мяркуецца пабудаваць у раёне моста празь Сьвіслач па вуліцы Купалы бізнэс-цэнтар, а на месцы сёньняшняга шклянога павільёну «Белэкспа» — чарговую пяцізоркавую гасьцініцу. Што будзе з карпусамі Другой клінічнай бальніцы, сярод якіх ёсьць і пабудовы былога Троіцкага манастыру базыліянак, пакуль незразумела. Цалкам магчыма, што яго захаваюць.
Яшчэ адзін магчымы аманскі праект у Менску — забудова раёну ў межах вуліц Багдановіча, Кісялёва, Куйбышава і Камуністычнай. Тыя будынкі, якія існуюць у тых кварталах, будуць зьнесеныя. На іх месцы хочуць пабудаваць бізнэс-цэнтар і цэлы комплекс жылых дамоў. Найхутчэй, што забудоўвацца будзе тэрыторыя заводу «Гарызонт».
Ну і трэці інвэстыцыйны праект, які прапанавалі сябры Султаната Аман – гэта забудова тэрыторыі у межах вуліц Чырвонаармейская – Першамайская і рэчкі Сьвіслач. З вынасам станкабудаўнічага заводу імя Кірава і зносам будынкаў, якія там ужо маюцца.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары