U BDUIR prezientavali novuju raspracoŭku, jakaja dapamahaje vyjaŭlać sačylnyja pryłady. Detektar moža dapamahčy abaranić kanfidencyjnyja danyja na aparatnym uzroŭni, piša Tut.by.
Poŭnaja nazva raspracoŭki — detektar-kompleks pravierki vyličalnaj techniki na najaŭnaść aparatnych srodkaŭ niedekłaravanych mahčymaściaŭ.
«Hetaje ŭnikalnaje abstalavańnie dazvalaje aŭtamatyzavać i istotna spraścić pošuk pryład, jakija ŭjaŭlajuć pahrozu ŭciečki abo kampramietacyi infarmacyi», — raskazaŭ rektar BDUIR Michaił Batura.
Detektar vykarystoŭvajuć dla pravierki vyličalnaj techniki, jakaja apracoŭvaje infarmacyju kanfidencyjnaha charaktaru. Jon vyjaŭlaje radyjopryjomnyja i radyjopieradajučyja pryłady, a taksama pryłady dla zdymu infarmacyi. Pryncyp dziejańnia kompleksu zasnavany na «kantroli ciepłavoha režymu kampanientaŭ pryłady pry pravakujučych uździejańniach».
Na vystavie stvaralniki pakazali pracu detektara z noŭtbukam. Adnak, pa śćviardžeńni raspracoŭnikaŭ, jon sumiaščalny nie tolki z kampjutarami. «Možna i mikrachvaloŭku praviarać taksama», — zapeŭniŭ Anatol Vosipaŭ, prarektar pa navukovaj rabocie ŭniviersiteta.
Košt kompleksu składaje kala 100 tysiač dalaraŭ. Patencyjalnymi spažyŭcami raspracoŭki źjaŭlajucca siłavyja viedamstvy, śpiecsłužby, analityčnyja centry i inšyja padobnyja arhanizacyi. Pa słovach raspracoŭščykaŭ, cikavaść užo prajaŭlajuć pradstaŭniki siłavych struktur.
Kamientary