«Kali pahodzišsia stać majoj žonkaj — budu samym ščaślivym na śviecie!» — kranalny list Mirasłava Łazoŭskaha ź SIZA KDB
Mirasłaŭ Łazoŭski — biełaruski patryjot, adzin ź lidaraŭ byłoha «Biełaha lehijona», jaki byŭ zatrymany 21 sakavika i abvinavačvajecca ŭ «padrychtoŭcy da masavych biesparadkaŭ». Apošnim časam jon pracavaŭ pamočnikam dyrektara vydaviectva «Knihazbor».
U rasparadžeńni «Našaj Nivy» akazaŭsia list Łazoŭskaha da jaho niaviesty Śviatłany.
«Nakont tvaich žarcikaŭ pra žanićbu. Soniejka majo kachanieńkaje! Ja tabie heta prapanoŭvaŭ u našmat-našmat lepšych umovach. Tamu zaraz ja prosta nie maju na heta nijakaha maralnaha prava. Bo ja nie vieru ni ŭ jakija humanizmy i źnižki. I siadzieć, bajusia, pryjdziecca doŭha. Tamu tut tolki tabie vyrašać, ci zhodnaja ty tak marnavać svoj los razam sa mnoju. Nie śpiašajsia rabić achviaru, padumaj i ŭsio ŭzvaž. Kali pahodzišsia stać majoju žonkaj — budu samym ščaślivym na śviecie!», — piša adzin ź lidaraŭ byłoha «Biełaha lehijona».
Adznačym, što ŭ «rasśledavańni» BT nie było pakazana nijakaha videa z dopytaŭ Łazoŭskaha.
U artykule «Sovietskoj Biełoruśsii» adznačałasia, što siabry kolišniaha «Biełaha lehijona» mocna trymajucca, niekatoryja ź ich maŭčać.
Ciapier čytajuć
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili30
Kamientary