Kaardynatar stryt-art prajekta Signal Aleh Łaryčaŭ zatrymany

Kaardynatar stryt-art prajekta Signal Aleh Łaryčaŭ zatrymany, siońnia, 28 krasavika, adbudziecca sud. Da hetaha jon sutki nie vychodziŭ na suviaź z rodnymi i znajomymi. Pra heta TUT.BY paviedamiła jaho dziaŭčyna Hanna.

Pavialičyć

Uviečary 26 krasavika Łaryčaŭ razam z analitykam Siarhiejem Čałym znachodziŭsia ŭ kruhłasutačnaj piceryi na stancyi mietro «Instytut kultury», jakuju jany pakinuli razam. Hetuju infarmacyju TUT.BY paćvierdziŭ i sam Siarhiej Čały: «Tak, ja byŭ apošnim, chto jaho bačyŭ».

Jak raspaviała TUT.BY siabroŭka Aleha Łaryčava Hanna, apošni raz jana jaho bačyła 24 krasavika — pierad svaim adjezdam u Homiel, zatym suviaź padtrymlivali praź internet, a ŭ noč ź sierady na čaćvier jana abarvałasia. Dziaŭčyna raspaviała, što źviartałasia ŭ Kastryčnickaje i Maskoŭskaje RUUS Minska, adnak tam adkazali, što Łaryčava ŭ ich niama.

Pa słovach dziaŭčyny, rodnyja taksama zaniepakojenyja źniknieńniem Aleha Łaryčava i nijakaj infarmacyjaj pra jaho miescaznachodžańnia nie majuć. Jaho telefon niedastupny.

Nijakich pahroz u adras Łaryčava apošnim časam nie pastupała, kaža jaho siabroŭka. «Ale kali pryniać da ŭvahi toje, što jaho źbili ŭ pačatku miesiaca … Dumaju, heta ŭzajemaźviazanyja padziei», - ličyć jana.

U noč na 28 krasavika Hańnie patelefanavali ź milicyi i paviedamili, što ŭ piatnicu ŭ sudzie Centralnaha rajona Łaryčava buduć sudzić pa art.17.1 KaAP (drobnaje chulihanstva). Paviedamlajecca, što sproba suda była ŭčora a 10-j viečara, ale jaho pieranieśli da zapatrabavańnia materyjałaŭ.

Nahadajem, 4 krasavika Łaryčaŭ byŭ źbity nieviadomymi ŭ padjeździe svajho doma i dastaŭleny ŭ Balnicu chutkaj dapamohi.

Aleh Łaryčaŭ — kaardynatar biełaruskaha stryt-art supolnaści SIGNAL, arhanizatar fiestyvalu Urban Myths, jaki naviedvali vuličnyja mastaki z roznych krain.

U apošnija miesiacy ŭ Minsku źjaviŭsia šerah vostrasacyjalnych hrafici i postaraŭ: kalučy drot na malunku, jaki simvalizuje družbu Minska i Maskvy, nalepki «zialonych čałaviečkaŭ» i aplikacyi z partretami eks-kiraŭnika Minpracy i sacabarony Maryjany Ščotkinaj, ministra ŭnutranych spraŭ Ihara Šunieviča i kamandzira staličnaha AMAPa Dźmitryja Bałaby. Aŭtary postaraŭ z vyjavami čynoŭnikaŭ i «zialonych čałaviečkaŭ» nieviadomyja.

Napad na pačatku krasavika Łaryčaŭ źviazaŭ z tym, što na staroncy supołki Signal była raźmieščana abjava pra toje, što nieabchodna dapamoha aŭtaram hetaha prajekta.

• 0
• 0
• 0
• 0
• 0
• 0
• 0
• 0