Каардынатар стрыт-арт праекта Signal Алег Ларычаў затрыманы, сёння, 28 красавіка, адбудзецца суд. Да гэтага ён суткі не выходзіў на сувязь з роднымі і знаёмымі. Пра гэта TUT.BY паведаміла яго дзяўчына Ганна.
Увечары 26 красавіка Ларычаў разам з аналітыкам Сяргеем Чалым знаходзіўся ў кругласутачнай піцэрыі на станцыі метро «Інстытут культуры», якую яны пакінулі разам. Гэтую інфармацыю TUT.BY пацвердзіў і сам Сяргей Чалы: «Так, я быў апошнім, хто яго бачыў».
Як распавяла TUT.BY сяброўка Алега Ларычава Ганна, апошні раз яна яго бачыла 24 красавіка — перад сваім ад'ездам у Гомель, затым сувязь падтрымлівалі праз інтэрнэт, а ў ноч з серады на чацвер яна абарвалася. Дзяўчына распавяла, што звярталася ў Кастрычніцкае і Маскоўскае РУУС Мінска, аднак там адказалі, што Ларычава ў іх няма.
Па словах дзяўчыны, родныя таксама занепакоеныя знікненнем Алега Ларычава і ніякай інфармацыяй пра яго месцазнаходжання не маюць. Яго тэлефон недаступны.
Ніякіх пагроз у адрас Ларычава апошнім часам не паступала, кажа яго сяброўка. «Але калі прыняць да ўвагі тое, што яго збілі ў пачатку месяца … Думаю, гэта ўзаемазвязаныя падзеі», - лічыць яна.
У ноч на 28 красавіка Ганне патэлефанавалі з міліцыі і паведамілі, што ў пятніцу ў судзе Цэнтральнага раёна Ларычава будуць судзіць па арт.17.1 КаАП (дробнае хуліганства). Паведамляецца, што спроба суда была ўчора а 10-й вечара, але яго перанеслі да запатрабавання матэрыялаў.
Нагадаем, 4 красавіка Ларычаў быў збіты невядомымі ў пад'ездзе свайго дома і дастаўлены ў Бальніцу хуткай дапамогі.
Алег Ларычаў — каардынатар беларускага стрыт-арт супольнасці SIGNAL, арганізатар фестывалю Urban Myths, які наведвалі вулічныя мастакі з розных краін.
У апошнія месяцы ў Мінску з'явіўся шэраг вострасацыяльных графіці і постараў: калючы дрот на малюнку, які сімвалізуе дружбу Мінска і Масквы, налепкі «зялёных чалавечкаў» і аплікацыі з партрэтамі экс-кіраўніка Мінпрацы і сацабароны Марыяны Шчоткінай, міністра ўнутраных спраў Ігара Шуневіча і камандзіра сталічнага АМАПа Дзмітрыя Балабы. Аўтары постараў з выявамі чыноўнікаў і «зялёных чалавечкаў» невядомыя.
Напад на пачатку красавіка Ларычаў звязаў з тым, што на старонцы суполкі Signal была размешчана аб'ява пра тое, што неабходна дапамога аўтарам гэтага праекта.
Цяпер чытаюць
Вучэбка ў Пскове, абяцанне ануляваць крэдыты і судзімасці, але ні слова пра самае важнае. Як беларусаў вярбуюць на вайну7
Вучэбка ў Пскове, абяцанне ануляваць крэдыты і судзімасці, але ні слова пра самае важнае. Як беларусаў вярбуюць на вайну
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары