Jak vyhladaje sučasnaja biełaruskaja moda FOTY
U miežach 14-ha siezona biełaruskaha tydnia mody prajšoŭ konkurs maładych dyzajnieraŭ «New names Belarus Fashion Week». Z 16 udzielnikaŭ u finał vyjšli vaśmiora. Troje ź ich u vyniku atrymali mahčymaść zapuścić svaju kalekcyju ŭ vytvorčaść.
Dyk jakuju ž vopratku my zusim chutka zmožam ubačyć u vitrynach našych kram?
U mužčynskaj naminacyi pieramahli adrazu dźvie kalekcyi, stvoranyja dyzajnierami Julijaj Akuła i Enam Enijakponam. I dziaŭčyna, i chłopiec zrabili akcent na spartyŭnaści i kamforcie.
Najlepšaj žanočaj kalekcyjaj pryznali łuki ad tvorčaha tandema Aleny Karol i Alaksandra Špuntava. Jany vyrašyli apranuć kabiet u całkam čorny koler, razbaviŭšy jaho kakietlivymi stužkami i šnuroŭkaj. Vyhladała davoli hatyčna, zacanicie sami.
A voś takija kalekcyi byli ŭ inšych finalistaŭ konkursu.
Uvohule ž z 11 pa 14 maja na Belarus Fashion Week byli pradstaŭleny bolš za 20 kalekcyj mužčynskaha, žanočaha i dziciačaha adzieńnia ad takich dyzajnieraŭ i brendaŭ jak Alena Goretskaya, BOITSIK, NAVY, ton-in-ton, Candy Lady, T.Efremova i mnohich inšych.
Šosty hod zapar arhanizatary BFW, akramia asnoŭnaj mety — abjadnać i papularyzavać dziejnaść tych, chto stvaraje sučasnuju biełaruskuju modu — imknucca rabić sacyjalny ŭniosak.
Ciapier adzin z asobnych prajektaŭ byŭ pryśviečany baraćbie sa ŚNIDam. U miežach akcyi «Fashion Aids Line» dyzajniery stvarali ŭbory z vykarystańniem aficyjnaha mižnarodnaha simvała baraćby z chvarobaj: čyrvonaj stužački, ale ź biełaruskim arnamientam.
Akaŭnt Kabančuka ŭzłamali — ale ci biełaruskija śpiecsłužby?11
Kamientary