Amierykaniec padaŭ na dziaŭčynu ŭ sud za vykarystańnie mabilnaha telefona na spatkańni
Žychar amierykanskaha štata Techas padaŭ u sud na dziaŭčynu, jakaja sapsavała ich pieršaje spatkańnie. Na dumku mužčyny, jaho spadarožnica zanadta časta karystałasia mabilnym telefonam padčas prahladu filma, na jaki jon zaprasiŭ jaje, paviedamlajuć infarmahienctvy.
Akazvajecca, što 37-hadovy Brendan Uezmar zaprasiŭ 35-hadovuju dziaŭčynu na spatkańnie ŭ kinateatr. Heta było pieršaje spatkańnie pary, tamu Brendanu chaciełasia, kab usio prajšło idealna. Adnak realnaść akazałasia inšaj — pa słovach mužčyny, jaho spadarožnica adpraŭlała 10-15 paviedamleńniaŭ kožnyja 15 chvilin. Takim čynam, jana nie zmahła nadać naležnuju ŭvahu filmu «Vartavyja Hałaktyki: Častka 2» i pieraškadžała hledačam, jakija siadzieli pobač ź joj.
Mužčyna zrabiŭ dziaŭčynie zaŭvahu, paprasiŭšy jaje adkłaści telefon, adnak jana praciahnuła adpraŭlać paviedamleńni. Tady Brendan paprasiŭ dziaŭčynu vyjści z zały i tam pierapisvacca ź siabrami. Paśla hetaha dziaŭčyna pakinuła zału, a mužčyna jaje bolš nie bačyŭ.
Sama dziaŭčyna, jakaja nie pažadała nazvać svajo imia, śćviardžaje, što padčas sieansu napisała ŭsiaho 2-3 paviedamleńni. Jana taksama dadała, što nie źbirajecca viartać Uezmaru 17 dalaraŭ 31 cent za svoj bilet u kino, bo mužčyna klikaŭ jaje na spatkańnie.
Kamientary