U Minsku prezientavali mabilny dadatak «Šturman», jaki zmoža spraścić žyćcio nieviduščym i ludziam sa słabym zrokam. Prezientacyja prajšła na vystavie prajekta «Imiony»: z dapamohaj vałancioraŭ dla nieviduščych praviali ekskursiju pa ekspazicyi, piša Tut.by.
Servis «Šturman» pracuje tak: nieviduščy zapuskaje dadatak na smartfonie, jon u režymie realnaha času pieradaje videa z asnoŭnaj kamiery i huk. Danyja atrymlivaje viduščy dobraachvotnik — i pracuje «vačyma» nieviduščaha, padkazvajučy, što rabić.
Šturmany-dobraachvotniki mohuć dapamahać pierasoŭvacca pa horadzie, rabić pakupki ŭ kramie, prymać leki, hatavać ježu i navat pravodzić ekskursii pa muziejach.
Kali jakaść videa nie dazvolić pračytać tekst, šturman moža zrabić fota z dapamohaj admysłovaj knopki. Praź niekalki siekund pry dapamozie pavieličeńnia jon zmoža pračytać nadpisy i razabrać drobnyja detali. Taksama pamočnik moža atrymlivać danyja ab miescaznachodžańni nieviduščaha čałavieka i bačyć jaho stanovišča na karcie ŭ realnym časie.
Pa słovach raspracoŭščykaŭ, zapisy stroha kanfidencyjnyja. Usie videasiesii zachoŭvajucca ŭ archivie dadatka i mohuć być adnoŭlenyja pry nieabchodnaści. Prajekt realizavali MTS, «BIEŁCHARD» i HA «Biełaruskaje tavarystva invalidaŭ pa zroku».
Stać vałancioram dadatka «Šturman» moža kožny. Dla hetaha treba spampavać servis na mabilnuju pryładu (pakul dastupnaja tolki viersija dla Android) i zarehistravacca pa spasyłcy.
-
Jak biełaruskija łaziery dapamahli daśledavańniam, za jakija sioleta ŭručyli Nobieleŭskuju premiju pa miedycynie
-
Sučasnyja mietady sudovaj ekśpiertyzy pakazali: pieršyja cary Jehipta mahli adpraŭlacca ŭ zamahilny śviet nie adny
-
Niejrasietki vynajšli salidarnaść: jany sabatujuć źniščeńnie inšych niejrasietak, nazyvajučy heta zabojstvam
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary