У Мінску прэзентавалі мабільны дадатак «Штурман», які зможа спрасціць жыццё невідушчым і людзям са слабым зрокам. Прэзентацыя прайшла на выставе праекта «Імёны»: з дапамогай валанцёраў для невідушчых правялі экскурсію па экспазіцыі, піша Tut.by.
Сэрвіс «Штурман» працуе так: невідушчы запускае дадатак на смартфоне, ён у рэжыме рэальнага часу перадае відэа з асноўнай камеры і гук. Даныя атрымлівае відушчы добраахвотнік — і працуе «вачыма» невідушчага, падказваючы, што рабіць.
Штурманы-добраахвотнікі могуць дапамагаць перасоўвацца па горадзе, рабіць пакупкі ў краме, прымаць лекі, гатаваць ежу і нават праводзіць экскурсіі па музеях.
Калі якасць відэа не дазволіць прачытаць тэкст, штурман можа зрабіць фота з дапамогай адмысловай кнопкі. Праз некалькі секунд пры дапамозе павелічэння ён зможа прачытаць надпісы і разабраць дробныя дэталі. Таксама памочнік можа атрымліваць даныя аб месцазнаходжанні невідушчага чалавека і бачыць яго становішча на карце ў рэальным часе.
Па словах распрацоўшчыкаў, запісы строга канфідэнцыйныя. Усе відэасесіі захоўваюцца ў архіве дадатка і могуць быць адноўленыя пры неабходнасці. Праект рэалізавалі МТС, «БЕЛХАРД» і ГА «Беларускае таварыства інвалідаў па зроку».
Стаць валанцёрам дадатка «Штурман» можа кожны. Для гэтага трэба спампаваць сэрвіс на мабільную прыладу (пакуль даступная толькі версія для Android) і зарэгістравацца па спасылцы.
-
Як беларускія лазеры дапамаглі даследаванням, за якія сёлета ўручылі Нобелеўскую прэмію па медыцыне
-
Сучасныя метады судовай экспертызы паказалі: першыя цары Егіпта маглі адпраўляцца ў замагільны свет не адны
-
Нейрасеткі вынайшлі салідарнасць: яны сабатуюць знішчэнне іншых нейрасетак, называючы гэта забойствам
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1010
Каментары