Rejtynh uchvaleńnia Trampa rekordna ŭpaŭ paśla abvinavačańniaŭ u suviaziach z Rasijaj

Rejtynh adabreńnia Trampa apuściŭsia da rekordna nizkich značeńniaŭ

Rejtynh uchvaleńnia dziejnaści Donalda Trampa na pasadzie prezidenta siarod amierykancaŭ apuściŭsia da samych nizkich značeńniaŭ z dnia inaŭhuracyi, śviedčać vyniki apytańnia, praviedzienaha sacyjałahičnaj słužbaj Ipsos i ahienctvam Rejter.

Jak paviedamiła Bi-bi-si, apytańnie, jakoje pravodziłasia z 14 pa 18 maja, pakazała, što 38% amierykancaŭ padtrymlivajuć dziejnaść Trampa, tady jak 56% respandentaŭ vykazali niezadavolenaść pracaj prezidenta. Jašče 6% apytanych nie mohuć adkazać.

Pa dadzienych sacyjołahaŭ, tolki 14% respandentaŭ, jakija nazvali siabie demakratami, zajavili ab padtrymcy Trampa, tady jak 77% apytanych, jakija nazvalisia respublikancami, skazali, što padtrymlivajuć prezidenta.

Źnižeńnie rejtynhu ŭchvaleńnia dziejnaści Trampa da rekordna nizkich značeńniaŭ adbyłosia na fonie šerahu publikacyj u ŚMI, jakija abvinavačvajuć Trampa ŭ suviaziach supracoŭnikaŭ jaho pieradvybarčaha štaba z Rasijaj, i sprob Biełaha doma adkazać na hetyja abvinavačvańni.

U pačatku hetaha tydnia hazieta Washington Post paviedamiła, što Tramp padzialiŭsia «asabliva sakretnaj infarmacyjaj», kali sustrakaŭsia z kiraŭnikom MZS RF Siarhiejem Łaŭrovym i rasijskim pasłom u Vašynhtonie Siarhiejem Kiślakom. Zhodna z Washington Post, uzrovień sakretnaści pradastaŭlenych Rasii źviestak nastolki vysoki, što takija dadzienyja nie byli pradastaŭleny navat sajuźnikam ZŠA.

Paźniej Tramp zajaviŭ, što maje poŭnaje prava dzialicca kanfidencyjnaj infarmacyjaj z Rasijaj, kab zmahacca z «Isłamskaj dziaržavaj». Amierykanski prezident patłumačyŭ, što chacieŭ by dapamahčy Rasii, kab taja ŭzmacniła baraćbu z «Isłamskim dziaržavaj» i teraryzmam u Siryi.

U piatnicu amierykanskija ŚMI sa spasyłkaj na svaje krynicy zajavili, što prezident ZŠA Donald Tramp skazaŭ rasijskim aficyjnym asobam ab tym, što, zvolniŭšy «zvarjaciełaha» dyrektara FBR Džejmsa Komi, jon adčuŭ, «jak hara zvaliłasia ź plačej».

Akramia taho, u piatnicu vydańnie Washington Post paviedamiła, što adzin ź dziejučych vysokapastaŭlenych supracoŭnikaŭ administracyi Trampa «staŭ pradstaŭlać cikavaść» dla biahučaha rasśledavańnia mahčymaha ŭmiašańnia Rasii ŭ prezidenckija vybary ŭ ZŠA.

Hazieta cytuje ananimnuju krynicu, znajomuju z chodam rasśledavańnia, jakaja zajaviła, što havorka idzie pra «blizkuju da prezidenta» piersonu. Bieły dom admaŭlaje najaŭnaść zmovy pamiž supracoŭnikami pieradvybarčaha štaba Trampa i «ahientami inšaj dziaržavy». Tramp nieadnarazova nazyvaŭ usie abvinavačvańni falšyŭkami, a samo rasśledavańnie mierkavanaha ŭmiašańnia Rasii ŭ pieradvybarčuju kampaniju ŭ ZŠA - «farsam na hrošy padatkapłacielščykaŭ».

• 0
• 0
• 0
• 0
• 0
• 0
• 0
• 0