Palicyja Mančestara paviedamiła, što ŭ vyniku vybuchu ŭ kancertnaj zale ŭ centry horada zahinuli prynamsi 22 čałavieki i jašče 59 atrymali ranieńni. Palicyja razhladaje zdareńnie jak terarystyčny akt.
Paśla słužba chutkaj dapamohi udakładniła, što kolkaść paranienych u vyniku hetaha incydentu skłała 59 čałaviek.
Pavodle zajavy palicyi Mančestera, prykładna ŭ 22:35 u paniadziełak stali źjaŭlacca paviedamleńni pra toje, što sotni hledačoŭ u panicy pakinuli kancertnuju zału ŭ centry hetaha horada na poŭnačy Anhlii paśla taho, jak jany pačuli huk, padobny na vybuch. U hety čas u zale Manchester Arena zakančvaŭsia kancert amierykanskaj pop-śpiavački Aryjany Hrande.
Adny paviedamlajuć, što čuli dva hučnyja vybuchi. Inšyja vidavočcy raspaviadajuć ab adnym rezkim huku.
Adzin ź vidavočcaŭ, jaki byŭ na kancercie, raspavioŭ, što vybuch adbyŭsia adrazu paśla taho, jak śpiavačka skončyła prahramu i hledačy nakiravalisia da vychadu.
Inšy naviedvalnik kancerta skazaŭ, što bačyŭ, jak paśla vybuchu na padłozie zastavalisia lažać ad 20 da 30 čałaviek
Ciapier čytajuć
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary