«Što mahli, toje rabili»: Nikandrava syšła z Ahienctva pa inviestycyjach i pryvatyzacyi
Natalla Nikandrava syšła z pasady dyrektarki Nacyjanalnaha ahienctva pa inviestycyjach i pryvatyzacyi, pra heta jana paviedamiła ŭ svaim fejsbuku.
Nikandrava pracavała na hetym miescy ciaham troch hadoŭ, adznačyłasia, u tym liku, i vostrymi słovami na adras ekanamičnaj palityki dziaržavy.
Čytajcie: Nikandrava: «Stratnyja pradpryjemstvy — likvidavać, ministerstvy — skaracić, na vysokija pasady — maładych» — hutarka z čynoŭnicaj
Jak skazała eks-dyrektarka «Našaj Nivie», sychod adbyŭsia pa asabistych pryčynach.
«Pakul niezrazumieła, chto budzie zamiest mianie. Minekanomiki šukaje čałavieka, ale mnie zdajecca, što treba šukać u MZS», — dadała Nikandrava i raskazała, što atrymałasia zrabić za čas raboty.
«Što mahli, toje rabili. Samaje hałoŭnaje — my sfarmavali davier da hetaha dziaržaŭnaha instytuta. Pryjemna, kali chtości źviartaŭsia da nas, pačynajučy słovami «vas paraiła takaja-ta kampanija». Bo kali inviestar prychodzić u inšuju krainu, to jon jak ślapoje kaciania tut. Jany išli da nas, my dapamahali, baleli ich prablemami, cisnuli na miascovyja ŭłady ŭ šerahu vypadkaŭ. Kaniečnie, nie było dastatkova paŭnamoctvaŭ — my mahli tolki sihnalizavać pra niejkija prablemy, pisać prapanovy. Ale ci laža heta ŭ padmurak niejkich zakonaŭ? Heta ad nas nie zaležała», — skazała Nikandrava.
Niejkija rečy, spadziajecca jana, atrymajecca realizavać na novym miescy — Natalla stała suzasnavalnicaj i staršynioj fonda raźvićcia «Novaja ekanamičnaja stratehija» dy anansuje «šmat cikavych idej».
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr8
Kamientary