Pamior były dyktatar Panamy Manuel Narjeha. Adchileny ad ułady padčas amierykanskaha ŭvarvańnia hienierał amal 20 hadoŭ pravioŭ u turmie.
Pra śmierć Narjehi ŭ svaim Twitter paviedamiŭ ciapierašni prezident Panamy Chuan Karłas Vareła. «Śmierć Manuela Narjehi zakryvaje ceły raździeł u historyi našaj krainy. Jaho dočki zasłuhoŭvajuć taho, kab pachavańnie prajšło mirna», — napisaŭ jon.
Jak paviedamlaje ahienctva Reuters, u sakaviku hetaha hoda Narjehu była zroblenaja apieracyja z-za puchliny ŭ mozhu. Paśla jaje ŭźnikli ŭskładnieńni, jakija pryviali da taho, što były dyktatar trapiŭ u komu.
Narjeha (1934 hoda naradžeńnia) byŭ faktyčnym kiraŭnikom Panamy ŭ 1983—1989 hadach. Karystajučysia padtrymkaj CRU, jon kantralavaŭ urad krainy i arhanizoŭvaŭ falsifikacyju vybaraŭ.
U 1989 hodzie Narjeha byŭ abvinavačany amierykanskimi ŭładami ŭ arhanizacyi handlu narkotykami. U vyniku ŭvarvańnia armii ZŠA jon byŭ aryštavany i prysudžany da 40 hadoŭ pazbaŭleńnia voli. U 2010 hodzie Narjeha byŭ ekstradavany ŭ Francyju, dzie jon pravioŭ jašče hod u turmie pa abvinavačvańni ŭ admyvańni hrošaj.
U 2011 hodzie Narjehu vydali Panamie, jakaja abvinavačvała byłoha dyktatara ŭ arhanizacyi zabojstva. U turmie stalicy krainy jon pravioŭ apošnija hady svajho žyćcia
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii5
Kamientary