Uviečary 3 červienia bieły furhon, jaki jechaŭ pa Łondanskim moście, zajechaŭ na tratuar i pačaŭ dušyć ludziej. Adrazu paśla hetaha palicyja atrymała paviedamleńni ab ludziach, jakija atrymali nažavyja ranieńni pobač z rynkam Baro — jon raźmieščany niepadalok ad Łondanskaha mosta. Pa słovach vidavočcaŭ, ludzi z nažami vyjšli mienavita z furhona. Palicyja rascaniła zdareńnie jak terarystyčny akt.
Zahinuli siem čałaviek, 48 paranienych špitalizavanyja.
Troje napadnikaŭ zabityja. Na ich byli nadzietyja mulažy vybuchovych pryład.
Man believed to be one of the terrorists has been pictured lying outside the Wheatsheaf pub in #BoroughMarket https://t.co/5ZyL0SrxiR pic.twitter.com/zdWl7ZQzCZ
Nijakaj infarmacyi pra asoby napadnikaŭ palicyja pakul nie raskryvaje.
Adkaznaść za terakt pakul nichto na siabie nie ŭziaŭ.
Premjer-ministr Vialikabrytanii Tereza Mej vykazała padziaku palicyi i ekstranym słužbam, jakija pracujuć na miescy zdareńnia.
«Našy dumki z tymi, chto akazaŭsia mižvolnym udzielnikam hetych strašnych padziej», — adznačyła jana.
«My jašče nie viedajem usich detalaŭ, ale heta była naŭmysnaja i podłaja ataka na niavinnych łondancaŭ i haściej horada, jakija atrymlivali asałodu ad subotniaha viečara», — skazaŭ mer Łondana Sadzik Chan.
Prezident ZŠA Donald Tramp skazaŭ, što: «Złučanyja Štaty zrobiać usio, kab dapamahčy Łondanu i Złučanamu Karaleŭstvu. My z vami. Bieražy vas Boh!» — napisaŭ jon u svaim Twitter.
Whatever the United States can do to help out in London and the U. K., we will be there - WE ARE WITH YOU. GOD BLESS!
Ministerstva zamiežnych spraŭ Biełarusi ŭdakładniaje, ci jość biełarusy siarod paciarpiełych padčas teraktaŭ u Łondanie, adpaviednaja infarmacyja raźmieščana ŭ tvitar-akaŭncie MZS.
MID, @belarus_emb_UK v kontaktie s vłastiami otśleživajut situaciju v śviazi s tieraktami v Łondonie, utočniajut, byli li sriedi postradavšich biełorusy
«MZS i pasolstva ŭ kantakcie z uładami Vialikabrytanii adsočvajuć situacyju i ŭdakładniajuć, ci byli siarod paciarpiełych hramadzianie Biełarusi», — havorycca ŭ paviedamleńni.
Hramadzian Biełarusi, jakija znachodziacca ŭ Vialikabrytanii, prosiać źviazacca z rodnymi ŭ Biełarusi, vykonvać ukazańni ŭładaŭ i paźbiahać miescaŭ masavaha zboru ludziej.
Taksama MZS rašuča asudziŭ terakt i vykazaŭ spačuvańni paciarpiełym i ich blizkim.
Riešitielno osuždajem očieriednyje varvarskije napadienija v Łondonie.Soboleznujem rodnym i blizkim žiertv tierroristov, žiełajem mužiestva narodu Britanii
Pa śviežych śladach brytanskaja palicyja zatrymała 12 čałaviek pa padazreńni ŭ dačynieńni da teraktu. Pra heta paviedamlajecca ŭ palicejskim mikrabłohu ŭ Twitter.
12 arrests in connection with last night's attacks in #LondonBridge & #BoroughMarket https://t.co/JCGAWuNpO9 pic.twitter.com/T1SLWAkKF4
Heta ŭžo treci terarystyčny akt u Vialikabrytanii za apošnija miesiacy. 22 sakavika mašyna najechała na minakoŭ na Viestminsterskim moście, paśla čaho kiroŭca z nažom napaŭ na palicejskaha la budynka parłamienta; zahinuli piać čałaviek. Napadnik byŭ zastreleny palicyjaj.
22 traŭnia adrazu paśla kancertu Aryjany Hrande ŭ Mančestery adbyŭsia vybuch, zładžany śmiarotnikam; zahinuli 22 čałavieki.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal5
Kamientary