Miascovy 33-hadovy žychar 6 červienia vyrašyŭ dakazać pryjacielam, što pierapłyvie raku. Ale pieraacaniŭ svaje siły i pačaŭ tanuć.
Vyratavalnik zaŭvažyŭ, što čałaviek tonie, i nakiravaŭ da jaho łodku. U vyniku žyćcio mužčyny było vyratavana, ale zakład jon tak i nie vyjhraŭ: chłopca dastavili da bieraha, ad jakoha jon i startavaŭ, piša sb.by.
Staršynia Biełaruskaha tavarystva vyratavańnia na vodach Siarhiej Vinahradaŭ zapeŭnivaje, što biez svoječasovaj dapamohi płyviec nie zmoh by paśpiachova dabracca da bieraha.
— U hetym miescy šyrynia raki składaje jak minimum 80 mietraŭ. Chutkaść płyni — 70 mietraŭ u chvilinu. Małady čałaviek zrazumieŭ, što znachodzicca ŭ śmiarotnaj niebiaśpiecy dzieści za 15 mietraŭ da sušy. U hetym miescy hłybinia Niomana — prykładna try mietry. Jon pačaŭ machać rukami, zaklikajučy na dapamohu. U vyratavalnaj łodcy my dastavili jaho da bieraha.
U momant incydentu mužčyna byŭ ćviarozy.
U tavarystvie nahadali, što Nioman — adna z samych chutkasnych rek Biełarusi z padstupnym profilem dna, z mnostvam kamianioŭ i viroŭ. Pierapłyvać jaho bolš niebiaśpiečna, čym moža zdacca na pieršy pohlad.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im2
Kamientary