Pradstaŭnik «Miłavicy» paraŭnaŭ žančyn z samkami, jakija musiać radavać mužčyn
«Mužčyna vybiraje tuju samku, jakaja zdolnaja naradzić i vykarmić naščadkaŭ. Hałoŭnaje, kab jana była aktyŭnaja, pazityŭnaja, daryła mužčynu radaść». Paśla kastynhu «Miłavicy», na jakim šukali novy tvar brenda, hiendyrektar kampanii-dystrybutara Jaŭhien Zujeŭ ad imia vytvorcy padzialiŭsia sa ŚMI mierkavańniami pra ideał pryhažości, jakija, niečakana dla jaho, vyklikali haračaje abmierkavańnie ŭ sacsietkach.
znakoḿtieś, eto priedstavitiel brienda bielja «Miłavica», i on sčitajet, čto v žienŝinie hłavnoje ličnosť, siśki i žopa pic.twitter.com/NqDStitbZy
— Kostiuhóva (@lessprit) 11 ijunia 2017 h.
My patelefanavali Jaŭhienu, kab jon rastłumačyŭ, što mieŭ na ŭvazie.
«Naša Niva»: Jaŭhien, u intervju padčas kastynhu vy razvažali pra ideały pryhažości: «Kožny z nas choča žyć lepš, kožny mužčyna choča mieć pryhožuju žančynu, kožnaja žančyna choča mieć pryhožaje cieła». Dyk a što rabić tym, kamu, pa vašaj fiłasofii, nie pašancavała ź fizičnymi dadzienymi?
Jaŭhien Zujeŭ: ŚMI i čytačy, jak zaŭsiody, vyrvali asobnyja vykazvańni z kantekstu. Ja mieŭ na ŭvazie mienavita situacyju z madelami: šmat dziaŭčat u ankiecie pra siabie paznačyli kudy bolšyja pamiery hrudziej, čym jość na samoj spravie.
Ja liču, što lubaja žančyna pryhožaja, ale dla tych, chto niečym niezadavoleny, u nas jość staniki puš-ap. Na hetuju temu jość žart, što naš biznes dapamahaje padmanvać mužčyn. Pry hetym my robim heta nie vulharna, a arystakratyčna, biez namiokaŭ na seksualnyja damahańni.
«NN»: Padman patrebny tolki dla taho, kab znajści, jak vy kažacie, «samca»? Heta hałoŭnaje pryznačeńnie žančyny?
JAZ: Kali žančyn buduć kachać tolki za hrudzi, to čaho tady varta hetaje kachańnie? U ich jość šmat inšych jakaściaŭ: rozum, zdolnaść kamunikavać, raździalać z partnioram ciažkaści. Naša kampanija ŭsprymaje žančynu jak asobu, jakaja, u pieršuju čarhu, nabyvaje bializnu dla siabie lubimaj.
«NN»: Ale pry hetym vy kažacie pra niejkija ŭmoŭnyja ideały pryhažości (padciahnutaje cieła, naprykład), jakim treba adpaviadać usim, kab być kankurentazdolnym…
JAZ: U intervju z žurnalistami my abmiarkoŭvali, što bolšaść vytvorcaŭ, kali robiać rekłamu, starajucca znajści žančynu z pryvabnaj fihuraj, kab lepš pradać adzieńnie praz seks. Ale, samo saboj, va ŭsich ludziej roznyja husty. Skazaŭšy, što ŭ modzie padciahnutaje cieła, ja nie imknuŭsia niejkim čynam abrazić žančyn, jakija nie adpaviadajuć ideałam pryhažości. Prosta chacieŭ adznačyć, što, niahledziačy na modu na zdarovy ład žyćcia, biełarusy ŭsio roŭna nie masava zajmajucca sportam i pravilna charčujucca. Prablema tyčycca i mužčyn: pahladzicie, u kolkich dziadźkoŭ piŭny žyvot. I heta, z majho punktu hledžańnia, nie jość dobra, bo jakraz padciahnutaść i aznačaje, što čałaviek zdarovy.
I kali znoŭ ža razmaŭlać pra fizijałohiju, davajcie budziem ščyryja. Kali pa vulicy idzie mužčyna, a nasustrač jamu — dźvie žančyny: adna spartyŭnaja, a druhaja nie. Na kaho jon źviernie ŭvahu? Kaniečnie ž, na pieršuju, tamu što takaja ŭ nas fizijałohija.
Moža, niejkaja dziaŭčyna ŭbačyć naš rekłamny płakat i zachoča być padobnaj da madeli — nie baču ničoha drennaha ŭ tym, kali my matyvujem čałavieka.
Ja nie vyklučaju, što ŭ budučyni «Miłavicu» mohuć pradstaŭlać i madeli «plus sajz».
Nie tamu, što heta dyktuje moda, a tamu što my adčujem takija patreby aŭdytoryi. My ŭ pryncypie daŭno robim staŭku na žančyn ź vialikimi pamierami — heta našy asnoŭnyja klijenty. U nas šyroki pamierny šerah, jakim moža pachvalicca daloka nie kožny vytvorca.
Kamientary