Alaksandr Łukašenka, razmaŭlajučy siońnia z žycharami haradskoha pasiołka Kopyś i bližejšych nasielenych punktaŭ, raspavioŭ pra svaje ŭražańni ad parada ŭ honar śviatkavańnia Dnia Niezaležnaści ŭ Minsku.
«Mnie ŭ cełym parad spadabaŭsia. Małajcy, zrabili ŭžo maštabniej, što ja i patrabavaŭ ad ich. Nie prosta tam, viedajecie, dźvie mašyny pastavili, prakacili i ŭsio. Ja prasiŭ pakazać moc armii, kab ludzi pahladzieli i zrabili dla siabie vysnovy, što tam niešta jość, što moža ich abaranić. Tamu ŭ cełym parad mnie spadabaŭsia», - skazaŭ Alaksandr Łukašenka.
U toj ža čas kiraŭnik dziaržavy pryznaŭsia, što ničoha novaha jon nie ŭbačyŭ, bo praktyčna z usioj technikaj jon byŭ znajomy ŭžo daŭno. «Što tyčycca vajskovaj častki, dla mianie tut navinak nijakich nie było. Pakolki mnie daviałosia kantralavać pracesy stvareńnia hetych uzoraŭ uzbrajeńnia», - rastłumačyŭ jon.
Jon adznačyŭ, što na paradzie byli pradstaŭleny samyja sučasnyja i zapatrabavanyja ŭzory vajennaj techniki. Hledačy zmahli ŭbačyć i samaje mahutnaje ŭzbrajeńnie, jakim vałodaje Biełaruś, - reaktyŭnuju sistemu załpavaha ahniu «Pałanez». «Viadoma ž, my šmat havorym u apošni čas ab novym napramku ŭ našym vajenna-pramysłovym kompleksie - rakietabudavańnia. Kali ty chočaš, kab ciabie bajalisia (a bajalisia dla čaho, dla taho, kab nie padumali i nie zachacieli znoŭ» prakacicca «praz nas, jak heta było ŭ 1941-1945-m), treba mieć rakietu. My jaje atrymali, — kanstatavaŭ Alaksandr Łukašenka. - I heta tolki pačatak. My stvorym jašče bolš mahutnuju zbroju dla taho, kab harantavać vašu biaśpieku».
Akramia taho, na paradzie demanstravalisia navinki vyrablenaj u Biełarusi hramadzianskaj techniki. «Taksama uražliva hladziełasia», - adznačyŭ Prezident.
Razam z tym jon vykazaŭ škadavańnie, što hledačam nie atrymałasia ŭbačyć samy vialiki ŭ śviecie samazvał - BIEŁAZ-75710 hruzapadymalnaściu 450 t. Pieršapačatkova była ideja pakazać jaho na paradzie. Adnak arhanizatary pryjšli da mierkavańnia, što vyvozić na minskija vulicy takuju techniku budzie niebiaśpiečna.
«Parad mnie spadabaŭsia. Ja vielmi rady, što i vam jon spadabaŭsia, bo hałoŭnaja maja ideja i meta była, kab heta spadabałasia vam i vašym dzieciam», - padkreśliŭ kiraŭnik dziaržavy.
Jon dadaŭ, što taksama było pryniata rašeńnie pakinuć vajennuju techniku na vulicach horada. Mnohija zmahli sfatahrafavacca z najnoŭšym uzbrajeńniem Biełarusi i navat pamacać jaho. Hetaje mierapryjemstva ludzi zapomniać nadoŭha, vykazaŭ upeŭnienaść Alaksandr Łukašenka.
Ciapier čytajuć
«Zachodziš u kamieru, a jany kažuć: «My z taboj admaŭlajemsia siadzieć». Cichanoŭski raskazaŭ, jak sutyknuŭsia z prablemaj nizkaha statusu10
Kamientary