Rasija źviarnułasia da krain SND, u tym liku Biełarusi, z prapanovaj nakiravać kantynhient u Siryju dla sumiesnaha manitorynhu ŭ zonie deeskałacyi.
Pra heta ŭ sieradu zajaviŭ u Astanie kiraŭnik rasijskaj delehacyi na pieramovach pa siryjskim ŭrehulavańni Alaksandr Łaŭrenćjeŭ, pieradaje ria.ru.
«Ciapier staić pytańnie ab tym, jakija voinskija kantynhienty — chaču tut padkreślić — vajennych naziralnikaŭ jakich krain pryciahnuć dla miratvorčaj misii ŭ Siryi», — paviedamiŭ dypłamat, adznačyŭšy, što havorka nie idzie pra «naviazvańnie niejkaha rašeńnia».
Žurnalisty «Našaj Nivy» spytalisia ŭ minčukoŭ, što jany dumajuć pra takija prapanovy ŭschodniaha susieda.
Prynamsi z tych, kaho my apytali, nivodny nie vykazaŭsia za.
Hladzicie sami.
Zaŭvažym, što Biełaruś pakul nie atrymlivała aficyjnaj prapanovy ad Rasii nakiravać svaich vajennych naziralnikaŭ u Siryju. Pra heta 6 lipienia zajaviŭ načalnik upraŭleńnia infarmacyi — pres-sakratar MZS Dźmitryj Mirončyk.
Jon taksama adznačyŭ, što takija dziejańni [pa adpraŭcy kantynhientu] pavinny ažyćciaŭlacca na padstavie mandata Rady biaśpieki AAN, heta zafiksavana i ŭ zakanadaŭstvie Biełarusi, i ŭ pahadnieńni miratvorčaj dziejnaści ADKB.
