«За што там паміраць?»: мінчукі рашуча супраць прапановы Масквы паслаць беларускі кантынгент у Сірыю ВІДЭААПЫТАНКА
Расія звярнулася да краін СНД, у тым ліку Беларусі, з прапановай накіраваць кантынгент у Сірыю для сумеснага маніторынгу ў зоне дээскалацыі.
Пра гэта ў сераду заявіў у Астане кіраўнік расійскай дэлегацыі на перамовах па сірыйскім ўрэгуляванні Аляксандр Лаўрэнцьеў, перадае ria.ru.
«Цяпер стаіць пытанне аб тым, якія воінскія кантынгенты — хачу тут падкрэсліць — ваенных назіральнікаў якіх краін прыцягнуць для міратворчай місіі ў Сірыі», — паведаміў дыпламат, адзначыўшы, што гаворка не ідзе пра «навязванне нейкага рашэння».
Журналісты «Нашай Нівы» спыталіся ў мінчукоў, што яны думаюць пра такія прапановы ўсходняга суседа.
Прынамсі з тых, каго мы апыталі, ніводны не выказаўся за.
Глядзіце самі.
Заўважым, што Беларусь пакуль не атрымлівала афіцыйнай прапановы ад Расіі накіраваць сваіх ваенных назіральнікаў у Сірыю. Пра гэта 6 ліпеня заявіў начальнік упраўлення інфармацыі — прэс-сакратар МЗС Дзмітрый Мірончык.
Ён таксама адзначыў, што такія дзеянні [па адпраўцы кантынгенту] павінны ажыццяўляцца на падставе мандата Рады бяспекі ААН, гэта зафіксавана і ў заканадаўстве Беларусі, і ў пагадненні міратворчай дзейнасці АДКБ.
Цяпер чытаюць
Полк Каліноўскага паведаміў пра гібель трох байцоў4
Каментары