Stała viadoma, što za brunetka siadzieła z Łukašenkam na Kupalli — šmat FOTA
Na śviatočnym kupalskim kancercie, jaki prajšoŭ u «prezidenckim ahraharadku» Aleksandryja pad Škłovam, pobač z Alaksandram Łukašenkam zaŭvažyli novuju maładuju pryhažuniu. Raniej dziaŭčyna nie źjaŭlałasia razam z kiraŭnikom krainy.
Jak stała viadoma «Našaj Nivie», pobač z Łukašenkam siadzieła 21-hadovaja viciebskaja studentka Kryścina Niaviera. Jana — budučaja finansistka, sioleta atrymała dypłom Viciebskaha dziaržaŭnaha technałahičnaha univiersiteta. Vučyłasia Kryścina na fakultecie ekanomiki i biznes-kiravańnia pa śpiecyjalnaści «Finansy i kredyt». Sioleta Niaviera ŭdzielničała ŭ Prezidenckim bali.
Akramia taho, Kryścina zdymajecca jak madel, aktyŭna ŭdzielničaje ŭ šmatlikich tvorčych konkursach.
Kryścina — łaŭreatka roznych konkursaŭ: Pieršaha mižnarodnaha studenckaha słavianskaha forumu, Mižnarodnaha maładziožnaha fiestyvalu «Ahoń tancu — 2014», Mižnarodnaha fiestyvalu chareahrafii «Dens asarci — 2015», dvojčy łaŭreat Respublikanskaha ahladu-konkursu mastackich kalektyvaŭ vučnioŭskaj i studenckaj moładzi «Art-vakacyi 2014, 2016». Niaviera ŭžo dvojčy udzielničała ŭ «Słavianskim bazary».
«U Aleksandryi jana sustrakała prezidenta z chlebam-sollu. Jak adbyvaŭsia kastynh, nie viedaju. Ale, kaniečnie, ja hanarusia dačkoj», — raspavioŭ «Našaj Nivie» baćka Kryściny.
Kryścina vyjhrała konkurs pryhažości «Karaleva Viasna — 2016» u Viciebsku. Konkurs arhanizuje BRSM, Minadukacyi i Nacyjanalnaja škoła pryhažości.
Adna z nabližanych da Łukašenki pryhažuń — Darja Šmanaj — taksama była pieramožcaj konkursu. U 2013 hodzie Šmanaj vyjhrała respublikanski finał «Karalevy Viasny».
Kryścina Niaviera ŭ respublikanskim konkursie zastałasia biez uznaharod. Ale heta nie pieraškodziła joj trapić u kresła pobač z kiraŭnikom dziaržavy.
Akramia taho Kryścina — aktyvistka BRSM.
«Kamsamołka, aktyvistka, a da taho ž jašče i budučaja finansistka Kryścina Niaviera — zyčlivaja, spahadlivaja, kamunikabielnaja i inicyjatyŭnaja studentka, — paviedamlaje sajt BRSM pra dziaŭčynu. — Jana aktyŭna ŭdzielničaje ŭ kulturnym, navukovym i hramadskim žyćci ŭniviersiteta, udzielničaje ŭ tvorčym aktyvie fakulteta: źjaŭlajecca ŭdzielnicaj studenckaha Doma mody, studyi estradnaha tanca «V.I.P.», vystupaje ŭ kancertnych prahramach».
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary