Novyja praviły pieravozki dziaciej ustupajuć u siłu ŭ Rasii z 12 lipienia, piša TASS. Jak paviedamiŭ namieśnik kiraŭnika Dziaržaŭtainśpiekcyi Rasii Uładzimir Kuzin, ciapier kateharyčna zabaraniajecca pakidać dziaciej małodšych za siem hadoŭ adnych u sałonie aŭtamabila.
Pry vyjaŭleńni supracoŭnikami Dziaržaŭtainśpiekcyi faktu pakidańnia dziciaci małodšaha za siem hadoŭ u nieruchomym transpartnym srodku biez paŭnaletniaj asoby (albo pastupleńnia infarmacyi pa dadzienym fakcie ź inšych krynic) budzie prymacca rašeńnie ab pryciahnieńni kiroŭcy da administracyjnaj adkaznaści.
Novymi praviłami dazvalajecca pieravozić dziaciej starejšych za siem hadoŭ, fiksujučy ich ramianiami biaśpieki. «Ustanoŭlena biezalternatyŭnaje vykarystańnie dziciačych utrymlivalnych pryład dla pieravozki dziaciej va ŭzroście mienš za siem hadoŭ, a taksama vykarystańnie takich pryład albo ramianioŭ biaśpieki, praduhledžanych kanstrukcyjaj transpartnaha srodku, dla pieravozki dziaciej ad siami da 11 hadoŭ uklučna», — raspavioŭ Uładzimir Kuzin.
Pry hetym praviły zabaraniajuć pieravozić dziaciej da 12 hadoŭ na zadnim siadzieńni matacykła.
U Dziaržaŭtainśpiekcyi adznačajuć, što novyja praviły paspryjajuć biaśpiecy znachodžańnia dziaciej u transparcie.
Što zapisana aficyjnaj pryčynaj śmierci adzinaha syna Jarmošynaj?5
Kamientary