MZS Biełarusi prakamientavała vykazvańni ministra zamiežnych spraŭ Polščy Vitolda Vaščykoŭskaha, jaki ŭ intervju ria.ru zajaviŭ pra toje, što Polšča nie maje namier zakuplać u budučyni enierhiju ź Biełaruskaj AES, bo nibyta ŭ asnovie prajekta lažać «niebiaśpiečnyja technałohii».
«U vypadku, kali pracytavanyja spadarom ministram słovy całkam adpaviadajuć skazanamu, u najaŭnaści vidavočnaja palityzacyja rucinnaha pytańnia budaŭnictva Biełaruskaj AES praz demanstracyju asobnymi krainami tak zvanaj «jeŭrapiejskaj salidarnaści» pad ciskam litoŭskaha boku, havorycca ŭ zajavie MZS, źmieščanaj na sajcie viedamstva.
«Biełaruś adkryta da supracoŭnictva i kantaktaŭ pa pytańniach jadziernaj biaśpieki, u tym liku ŭ kantekście budaŭnictva Biełaruskaj AES, z usimi zacikaŭlenymi i, tym bolš, takimi blizkimi susiedziami jak Polšča. Polšča ŭ 2009-2013 hh. ŭdzielničała ŭ miždziaržaŭnym abmierkavańni vynikaŭ praviedzienaj Biełaruśsiu acenki ŭździejańnia budučaj AES na navakolnaje asiarodździe i nie piarečyła suprać realizacyi prajekta».
Uviazka nibyta pryniataha rašeńnia nie zakuplać elektraenierhiju, vyrablenuju na Biełaruskaj AES, z «niebiaśpiečnymi technałohijami» hučyć dziŭna jak minimum u śviatle taho, što Polšča sama razhladaje mahčymaść raźvićcia ŭ krainie jadziernaj enierhietyki, adznačajecca ŭ paviedamleńni.
«Chacieli b nahadać, što technałohii, jakija prymianiajucca pry budaŭnictvie Biełaruskaj AES, paśpiachova vykarystoŭvajucca pry realizacyi anałahičnych prajektaŭ u takich krainach Jeŭrapiejskaha sajuza, jak Vienhryja, Słavakija, Finlandyja i Čechija. Nakolki nam viadoma, aficyjnaj krytyki z boku Polščy ŭ adras zhadanych dziaržaŭ pa hetaj temie nie hučała. U hetaj suviazi pasoł Respubliki Polšča ŭ Respublicy Biełaruś zaprošany ŭ MZS na razmovu», — havorycca ŭ zajavie.
-
MZS Polščy: «Pamahatary» ŭ rehistracyi na padaču na vizy pierastali być efiektyŭnymi
-
Kavaleŭski: Cichanoŭskija nie razumiejuć dalikatnaści i składanaści humanitarnaha treku, jaki pryvioŭ da vyzvaleńnia 300 palitviaźniaŭ
-
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»
Ciapier čytajuć
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»12
Kamientary