Da 150 mieteoraŭ u hadzinu: siońnia biełarusy ŭbačać samy efiektny zorny doždž hoda
Siońnia nočču biełarusy zmohuć nazirać, mabyć, samy efiektny mieteorny patok hetaha hoda — Piersieidy. Nazirajecca jon štohod z 17 lipienia pa 24 žniŭnia, adnak jaho maksimum prypadaje na 12 žniŭnia, paviedamlaje Tut.by sa spasyłkaj na prajekt Astroromantics.
Mieteorny patok — heta astranamičnaja źjava, vyklikanaja ŭvarvańniem u płasty atmaśfiery našaj płaniety vialikaj kolkaści mieteornych cieł, narodžanych vykidami rečyva ź jadraŭ kamiet abo asteroidaŭ. Padčas hadavoha kručeńnia pa svajoj arbicie Ziamla pieryjadyčna pierasiakaje śled, pakinuty prachodžańniem kamiet abo asteroidaŭ. Čaścicy z hetaha śledu traplajuć u atmaśfieru Ziamli i zharajuć u joj, vyklikajučy jarkija ŭspyški.
Maksimum dadzienaha mieteornaha patoku prypadaje na 12 žniŭnia, padčas jakoha nazirajecca kala 80-100 mieteoraŭ. Pa papiarednich dadzienych, u 2017 hodzie, jak i ŭ papiarednim 2016 hodzie, varta čakać niekatoraje ŭzmacnieńnie mieteornaha patoku da 120, a moža i da 150 mieteoraŭ u hadzinu. Heta vyklikana hravitacyjnym pryciahnieńniem płaniety Jupiter.
Dla nazirańnia mieteornaha patoku Piersieidy z terytoryi Biełarusi nieabchodna ŭ rajonie apoŭnačy pahladzieć u paŭnočna-ŭschodnim napramku zornaha nieba, dzie budzie raźmieščana suzorje Piersiej.
Ciapier čytajuć
Na mitynhu ŭ Vilni palicyja zatrymała pravakatara. A Cichanoŭski zajaviŭ pra namier dabivacca sustrečy ź Zialenskim1
Kamientary