Ihar Marzaluk: «10-balnaja sistema — ciaha da nieajeŭrapiejskaj palitkarektnaści. Chapiła b i čatyroch bałaŭ»
Vice-premjer Vasil Žarko ahučyŭ 15 žniŭnia ideju viartańnia staroj 5-balnaj sistemy adznak u adukacyi. Maŭlaŭ, da 10-balnaj zastajecca šmat pytańniaŭ.
Deputat Ihar Marzaluk, vykładčyk, staršynia parłamienckaj kamisii pa adukacyi, kultury i navucy, u hutarcy z karespandentam NN całkam padtrymaŭ ideju viartańnia da staroj sistemy.
«Mnie pazicyja vice-premjera padabajecca, bo jana, jak kažuć, «ad ziamli».
Kali heta inicyjatyva Vasila Žarko, to ja całkam za. Ja ŭvohule nie razumieŭ, na chaleru taja 10-balnaja sistema. Dla mianie heta byŭ prosta palitkarektny palites. Sistemu ŭvodzili, jak kazali, kab nie traŭmavać dziaciej. Ale heta, razumiejecie, takaja ciaha da nieajeŭrapiejskaj palitkarektnaści. Rot raskryŭ, skazaŭ: «U…» I ŭžo dvojka ci dvojka z ź plusam. A što heta daje? Ničoha, — ličyć Marzaluk. — Skažu, jak praktykujučy vykładčyk: roźnica pamiž 8 i 9 bałami kałasalnaja? Nie, na samaj spravie.
U svoj čas mnie chapała čatyroch adznak, kab naležnym čynam acanić studentaŭ. A paśla zrabili hetych 10 bałaŭ — što pamianiałasia? Jakaść uzrasła?»
Na dumku deputata, 10-balnaja sistema nieabjektyŭnaja.
«Kryteryi adznaki ŭ poŭnym abjomie abjektyŭna vykarystoŭvać niemahčyma. Ja liču, što staraja sistema absalutna ŭ hetym płanie lepšaja. Kali vydatna viedaješ dyscyplinu, to čamu treba vybirać pamiž 9 i 10? Vydatna — heta i jość vydatna, - miarkuje Ihar Marzaluk. — Tak, staraja sistema była faktyčna čatyrochbalnaj — treba było pastaracca, kab atrymać 1. I ja liču, što i ciapier, kali što, možna ŭvieści navat 4-balnuju sistemu, abyścisia biez 1. Ale ŭ lubym vypadku pytańnie treba abmiarkoŭvać».
Što tyčycca adukacyi ŭ VNU, dyk, na dumku Marzaluka, možna było b nie tolki viarnuć staruju sistemu, a jašče i publikavać usie adznaki, kab paśla vučoby pracadaŭca ich bačyŭ.
«Ja b rabiŭ układyš u dypłom z usimi adznakami pramiežkavymi, navat kab pisali, kolki razoŭ čałaviek zdavaŭ ekzamien ci zalik. I heta pavinna ŭpłyvać na karjerny rost i na zarobak. Za adznaki treba płacić sa startavaha ŭzroŭniu, vydatnik z čyrvonym dypłomam pavinien mieć nadbaŭku ŭ paraŭnańni ź siarednim studentam. Bo inakš pracuje sivaja savieckaja mudraść, z časoŭ, kali dypłomy byli roznaha koleru. Hučyć jana tak: «Lepš mieć čyrvony tvar i sini dypłom, čym sini tvar i čyrvony dypłom», - adznačyŭ Marzaluk.
-
«Hety chłopiec, vidać, padasłany — u jaho boty načyščanyja»: Sieviaryniec raskazaŭ historyju źjaŭleńnia Daškieviča ŭ «Maładym froncie»
-
«Ja ciapier całkam inšy čałaviek». Piśmieńnica Śviatłana Kurs pra rak i svaju fiłasofiju žyćcia
-
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda5
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary