U Biełarusi nieabchodna pravieści aptymizacyju sietki vyšejšych navučalnych ustanoŭ, zajaviŭ siońnia na plenarnym pasiadžeńni Respublikanskaj piedahahičnaj narady ministr adukacyi Ihar Karpienka, pieradaje BIEŁTA.
Ciapier u krainie 28 VNU rychtujuć śpiecyjalistaŭ ekanamičnaha profilu, 17 — jurydyčnaha. «Tamu nieabchodna pravieści aptymizacyju sietki ŭstanoŭ vyšejšaj adukacyi z ulikam ich profilu, kadravaha patencyjału i materyjalna-techničnaj bazy», — skazaŭ ministr.
Pry hetym budzie praciahnutaja praca pa prafilizacyi śpiecyjalnaściaŭ. Pierš za ŭsio razmova idzie pra toje, kab vyklučyć dublavańnie padrychtoŭki pa adnych i tych ža śpiecyjalnaściach na ŭzroŭni siaredniaj śpiecyjalnaj i vyšejšaj adukacyi. Stanoŭčy prykład jość u sistemie achovy zdaroŭja: vypuskniki miedkaledžaŭ i miedycynskich VNU pa svaich kvalifikacyjnych charaktarystykach nie dublujuć, a dapaŭniajuć adzin adnaho. Paralelna ŭ Biełarusi raspracoŭvajucca novyja padychody da farmiravańnia prahnozu padrychtoŭki kadraŭ pad patrebnaści ekanomiki i sacyjalnaj śfiery.
Što datyčycca padrychtoŭki navukovych kadraŭ, to tut prapanujecca zamacavać ŭviadzieńnie aśpirantury na ŭzroŭni navukova aryjentavanaj adukacyi sa zdačaj kandydackich ekzamienaŭ.
Nabor u daktaranturu budzie pravodzicca vyklučna pa metavym pryncypie na hrantavaj asnovie.
Ciapier čytajuć
Łukašenka apraŭdvajecca za ideju z pryjezdam 150 tysiač pakistancaŭ — heta, kab «zachavać naš narod»28
Kamientary