MZS Rasii pasprabavała rastłumačyć, čym adroźnivajecca nacyzm ad kamunizmu
23 žniŭnia adznačajecca Jeŭrapiejski dzień pamiaci achviaraŭ nacyzmu i kamunizmu. Hetaja data była zaćvierdžanaja Jeŭraparłamientam u 2008 hodzie. Adnym z tych, chto prasoŭvaŭ zamacavańnie takoha dnia, byŭ były prezident Čechii Vacłaŭ Haveł.
Dzień 23 žniŭnia abrany nie vypadkova, mienavita tady byŭ padpisany tak zvany «pakt Mołatava-Rybientropa» ŭ 1939 hodzie. U vyniku hetaha padpisańnia ŭ skład SSSR uvajšli krainy Bałtyi, Zachodnija Biełaruś i Ukraina.
Rasijskaje ministerstva zamiežnych spravaŭ da hetaha dnia padrychtavała malunak, jaki pavinien byŭ nahladna rastłumačyć, čamu na adny čašy vahaŭ nielha stavić kamunizm i nacyzm.
U tvitary MZS było źmieščanaje nastupnaje paviedamleńnie: «Nacysckaja Hiermanija pačała Druhuju suśvietnuju vajnu i zabiła 27 miljonaŭ savieckich hramadzian. SSSR skončyŭ vajnu i vyratavaŭ śviet ad karyčnievaj čumy».
Razam z dopisam raźmiaščałasia karcinka, na jakoj napisana: «Nacyzm, pačaŭ chałakost. Kamunizm, skončyŭ chałakost. U hetym roźnica». U dopisie ministerstva adznačyła svaich kaleh ź Litvy, Łatvii, Polščy, Jeŭrakamisii.
Fiška ž u tym, što da ilustracyi nacysta byŭ abrany dastatkova viadomy piersanaž — Viernan Holdbierh. Jon prachodziŭ u viermachcie madellu jak «idealny niamiecki sałdat», ale pry hetym mieŭ habrejskaje pachodžańnie.
U 1940-m Holdbierha zvolnili sa słužby jak «paŭkroŭku». Rašeńnie prymaŭ asabista Hitler. Viernan ratavaŭ svajho baćku ad vysyłki ŭ kancłahier Aśviencim. Pry hetym Holdbierh nikoli nie byŭ členam nacysckaj partyi.
Vielmi ciažka abvinavačvać hetaha čałavieka ŭ tym, što jon pačaŭ chałakost.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj86
Kamientary