U niadzielu 27 žniŭnia na salihorskim stadyjonie «Budaŭnik» adbyŭsia matč lidaraŭ čempijanatu krainy pa futbole «Šachciora» i BATE. Barysaŭskaja kamanda atrymała zvyšupeŭnienuju pieramohu ź likam 4:0.
Adnak hulnia zapomnicca nie tolki likam, ale kalafutbolnymi momantami. Užo pa skančeńni matča kiraŭnik futbolnaha kłuba BATE Anatol Kapski ŭklučyŭ u raździavalni svajoj kamandy chit hurta «Leninhrad» «Jechaj na…uj».
Pryčym nie prosta ŭklučyŭ, ale jašče i admysłova adčyniŭ dźviery i na videa vymaviŭ: «Heta Chachłovu».
Dźmitryj Chachłoŭ — mieniedžar salihorskaha «Šachciora». Hramadzianin Łatvii Chachłoŭ pryjšoŭ u «Šachcior» z «Vientśpiłsa» ŭ hetaje mižsiezońnie, jon adkazvaje ŭ kłubie za tranśfiernuju palityku.
«Voś znajšoŭsia ŭ «Šachciory» adzin dziejač (Dźmitryj Chachłoŭ) — vialiki amatar hurta «Leninhrad», — jaki pryjechaŭ da nas z Prybałtyki i pačaŭ usich vučyć, jak treba pracavać u biełaruskim futbole. Nu, niachaj pasłuchaje — heta jamu piersanalny adkaz. Ja sam čałaviek haračy i zavadny, ale kab tak abraźliva pasłać na ŭsiu krainu, jak pasyłaje «Leninhrad», — takoha sabie nie dazvalaŭ. Chłopcy prydumali lepš za mianie, jak adznačyć pieramohu», — skazaŭ Kapski ŭ intervju haziecie «Priessboł».
Na praciahu amal usiaho čempijanatu «Šachcior» lidziravaŭ u čempijanacie Biełarusi. Paśla hetaha paražeńnia ad BATE kamanda sastupiła lidarstva minskamu «Dynama». BATE idzie tolki trecim.
U žniŭni Anatol Kapski pakinuŭ pasadu hienieralnaha dyrektara zavoda BATE, ciapier jon zasiarodžany tolki na futbole.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam15
Kamientary