Viadomy krajaznaŭca Aleś Jurkojć asudžany pa spravie ašmianskich mytnikaŭ
5 vieraśnia ŭ sudzie Partyzanskaha rajona Minska abvieščanyja čarhovyja prysudy.
Krajaznaviec Aleś Jurkojć asudžany na 7 hadoŭ źniavoleńnia. Jon naležaŭ da toj hrupy z čatyroch mytnikaŭ, jakija nie pryznali viny i dakazvali, što jany nie brali chabaraŭ.
Były hałoŭny inśpiektar z «Kamiennaha łoha» Alaksandr Łapiejka ŭ sudzie pryznaŭ svaju vinu častkova: pahadziŭsia, što prapuściŭ 153 mašyny z tavaram i pieradavaŭ hrošy padnačalenym. Sud prysudziŭ jaho da 5 hod pazbaŭleńnia voli.
Akramia ich prysudy atrymali Alaksandr Švinta (7 hadoŭ pazbaŭleńnia voli), Siarhiej Čepin (5 hadoŭ pazbaŭleńnia voli), Vadzim Kazimirčuk (5,5 hadoŭ pazbaŭleńnia voli), Dźmitryj Kurnievič (11,5 hadoŭ pazbaŭleńnia voli), Viktar Strapko (5 hadoŭ pazbaŭleńnia voli), Jaŭhien Babrovič (5 hadoŭ pazbaŭleńnia voli), Hienadź Časnojć (5 hadoŭ pazbaŭleńnia voli), Tadevuš Vysocki (7 hadoŭ pazbaŭleńnia voli), Uładzimir Nahorski (5 hadoŭ pazbaŭleńnia voli). Bolšaść ź ich da zatrymańnia pracavali inśpiektarami.
Na praces pryjšli dziasiatki ludziej. Prysutnyja ledź źmiaščalisia ŭ zale pasiadžeńniaŭ, i svajaki abvinavačanych prapanavali vyhnać presu: «My nie žadajem bačyć tut ŚMI», «mohuć i za dźviaryma zastacca».
Nahadajem, što sprava raspačałasia viasnoj 2015 hoda. Byli zatrymanyja niekalki dziasiatkaŭ supracoŭnikaŭ punkta propusku «Kamienny Łoh». Infarmacyja ab spravie była ahučanaja prezidentam krainy na sustrečy z kiraŭnictvam Mytnaha kamiteta.
U dačynieńni mytnikaŭ tady zaviali 5 kryminalnych spraŭ, a złačynnaja hrupa, pavodle viersii śledstva, naličvała 58 čałaviek.
U padazravanych kanfiskavali bolš za $2,2 miljona najaŭnymi, h.zn. kala 40 tysiač dalaraŭ na čałavieka.
Były načalnik Ašmianskaj mytni Ivan Niviarkievič byŭ asudžany jašče ŭ śniežni 2015 hoda. Jon atrymaŭ 7 hadoŭ — Niviarkieviča pryznali vinavatym u chabarnictvie ŭ asabliva bujnym pamiery. A ŭ sakaviku 2016 hoda prysud źmianili, skasavaŭšy adzin hod.
Sudy nad astatnimi mytnikami pačalisia ŭ listapadzie 2016 hoda, mytnikaŭ sudziać u roznych sudach. Spravu hrupy z Alesiem Jurkojciem razhladaŭ sud Partyzanskaha rajona. Jurkojć, u pryvatnaści, abvinavačvaŭsia ŭ atrymańni chabaru 12,7 tysiač dalaraŭ. Svaju vinu jon nie pryznavaŭ.
Jurkojć byŭ viadomy jak hramadski i kulturny dziejač, jon byŭ adnym z ruchavikoŭ biełaruskaha nacyjanalnaha žyćcia na Astravieččynie. Pravodziŭ mastacki plener, kursy «Mova nanova», pastaviŭ pomnik kalinoŭcam. Siabry ŭpeŭnienyja: chto-chto, a Jurkojć nie moh brać na łapu. Jon apynuŭsia za kratami pa pryncypie kalektyŭnaj adkaznaści, miarkuje šoŭmen i paet Usievaład Ścieburaka, ale jon nie vinavaty i musić być apraŭdany.
***
8 žniŭnia byŭ vyniesieny prysud 16 byłym supracoŭnikam. Samaje surovaje pakarańnie atrymaŭ były mytnik, a paśla biznesmien Harnik Sarumianc — 11,6 hadoŭ uzmocnienaha režymu z kanfiskacyjaj 1,8 miljona dalaraŭ, znojdzienych pad vannaj u kvatery.
Alaksandr Haralski, eks-načalnik PTA «Kamienny Łoh», atrymaŭ 6 hadoŭ pazbaŭleńnia voli. Viktar Falevič, eks-načalnik punktaŭ «Kamienny Łoh», «Hudahaj» i «Katłoŭka» - 7,7 hoda. Były načalnik punkta mytnaha afarmleńnia «Kamienny Łoh» Ihar Vysocki — 8 hadoŭ. Mytniki Łapševič, Horbal, Karpovič, Jermałajeŭ prysudžanyja da 6 hadoŭ, Bašłykievič — da 7,6 hoda, Popčanka — da 5 hadoŭ. Juryj Kavalčuk i Ihar Bubnoŭ, jakija nie pryznali vinu, asudžanyja na 5 i 6 hadoŭ adpaviedna. Bukiel atrymaŭ piać hadoŭ chimii. Litoŭskamu biznesmienu Turajevu dali štraf 2000 bazavych (46 tys. rubloŭ), jon vyjšaŭ na volu.
* * *
29 žniŭnia byŭ vyniesieny prysud jašče adnoj hrupie. 11 byłych supracoŭnikaŭ PP «Kamienny Łoh» pryznali vinavatymi pa č. 3 art. 430 KK «Atrymańnie chabaru ŭ asabliva bujnym pamiery».
Piaciarych abvinavačanych prysudzili da 5 hadoŭ pazbaŭleńnia voli, adnaho — da 5,5 hoda, jašče piaciarych — da šaści hadoŭ. Adbyvać pakarańnie jany buduć u kałonii ŭzmocnienaha režymu.
Treba dadać, što z 1 kastryčnika Ašmianskaja mytnia spynić isnavańnie. U tym liku kab «uvieś asabovy skład vynies vielmi surjoznyja ŭroki z šerahu spraŭ», zajaviŭ raniej staršynia DMK Juryj Siańko.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary